Chandrababu: 'స్వర్ణ కుప్పం'.. విజన్ డాక్యుమెంట్ ఆవిష్కరించిన ముఖ్యమంత్రి చంద్రబాబు
ఈ వార్తాకథనం ఏంటి
వైఎస్ఆర్ కాంగ్రెస్ పార్టీ అధికారంలో ఉన్న సమయంలో రాష్ట్రం వెనుకబడిపోయిందని, అప్పుల భారంతో నడుస్తోందని టీడీపీ అధినేత. ఏపీ మాజీ ముఖ్యమంత్రి చంద్రబాబు అన్నారు.
కష్టపడి పనిచేస్తేనే అభివృద్ధి సాధ్యమని ఆయన అభిప్రాయపడ్డారు. గతంలో హైదరాబాద్‌లో తన హయాంలో చేసిన అభివృద్ధి కారణంగానే ప్రస్తుతం ఫలితాలు కనిపిస్తున్నాయన్నారు.
2014-19 మధ్య కాలంలో ఆంధ్రప్రదేశ్‌ను అభివృద్ధి దిశలో ముందుకు నడిపించామని చెప్పారు.
ద్రవిడ యూనివర్సిటీలో నిర్వహించిన 'స్వర్ణ కుప్పం- విజన్ 2029' డాక్యుమెంట్ ఆవిష్కరణ సందర్భంగా నిర్వహించిన సభలో సీఎం మాట్లాడారు
ప్రతి ఇంటికీ పారిశ్రామికవేత్త ఉండాలనేదే తన ప్రధాన లక్ష్యమని చంద్రబాబు చెప్పారు.
వివరాలు
స్థానికులకు ఉపాధి అవకాశాలు
ఆయన మాట్లాడుతూ, "రాబోయే రోజుల్లో కుప్పంను ఎలా అభివృద్ధి చేయాలనే దానిపై ఇప్పటికే ప్రణాళికలు రూపొందించాం. ఏటా చేపట్టవలసిన పనుల గురించి చర్చించాం. కుప్పంలో పెట్టుబడులను ఆకర్షించి స్థానికులకు ఉపాధి అవకాశాలు కల్పిస్తాం. జీవితం ఎవరికీ జాక్‌పాట్ కాదు; ఒకసారి వచ్చిన అవకాశాన్ని సద్వినియోగం చేసుకోకపోతే వైకుంఠపాళి తరహా పరిస్థితులు ఎదుర్కోవలసి వస్తుంది. ఇది రాజకీయాలు, వ్యాపారం సహా అన్ని రంగాలకు వర్తిస్తుంది" అని అన్నారు.
వివరాలు
నియోజకవర్గాల వారీగా ప్రత్యేకమైన విజన్
"ఈసారి నియోజకవర్గాల వారీగా ప్రత్యేకమైన విజన్ రూపొందిస్తున్నాం. ప్రజల ఆకాంక్షలను పూర్తిగా నెరవేర్చగలగడం ద్వారా నాయకులు శాశ్వతంగా ప్రజల మద్దతు పొందగలరు. టీడీపీ ఆవిర్భావం తర్వాత కుప్పంలో టీడీపీ జెండా మినహా మరే పార్టీ జెండా ఎగరలేదు. ప్రతి ఎన్నికలో ప్రజలు మాకు విశ్వాసం చూపించి గెలిపించారు. కుప్పం ప్రజలు చూపిస్తున్న ప్రేమాభిమానాలకు నా ధన్యవాదాలు. విజన్ డాక్యుమెంట్ విషయంలో ప్రతి ఒక్కరూ భాగస్వాములు కావాలి. ప్రతి ఇంటిలోనూ దీనిపై చర్చలు జరగాలి. యువత ఉద్యోగాలు చేయడమే కాదు, ఇవ్వాలని కూడా ఆలోచించాలి," అని చంద్రబాబు అన్నారు.