ప్రతి గ్రామపంచాయతీకి రూ.10లక్షలు మంజురూ చేస్తాం: సీఎం కేసీఅర్
ఈ వార్తాకథనం ఏంటి
మహబూబాబాద్ జిల్లా పర్యటనలో తెలంగాణ ముఖ్యమంత్రి చంద్రశేఖర్‌రావు కీలక ప్రకటన చేశారు. గ్రామాలు, మున్సిపాలిటీలకు భారీగా నిధులను ప్రకటించారు. జిల్లాలోని పలు తాండాలను పంచాయతీలుగా మార్చామని సీఎం కేసీఆర్ పేర్కొన్నారు. ఒక్కో గ్రామ పంచాయతీకి రూ.10లక్షలు ఇస్తామని సీఎం ప్రకటించారు.
అలాగే మహబూబాబాద్ పట్టణానికి రూ.50 కోట్లు, తొర్రూరు, మరిపెడ, డోర్నకల్‌కు రూ.25 కోట్లు ప్రత్యేక నిధుల నుంచి మంజూరు చేస్తున్నట్లు సీఎం ప్రకటించారు. మంజూరైన ప్రతి రూపాయి నిధులను ప్రజల ప్రయోజనాలకే వినియోగించాలని స్థానిక మంత్రులు, ఎమ్మెల్యేలను సీఎం ఆదేశించారు.
ఉమ్మడి రాష్ట్రంలో పరిస్థితులు దయనీయంగా ఉండేవని, ఇప్పుడు అన్ని సమస్యలను పరిష్కరించుకుంటున్నట్లు చెప్పారు.
కేసీఆర్
రాష్ట్రంలో మెడికల్ కాలేజీల సంఖ్యను భారీగా పెంచకున్నాం: సీఎం కేసీఅర్
రాష్ట్ర వ్యాప్తంగా పలు జిల్లాల్లో కొత్త కలెక్టరేట్‌లు నిర్మించామని, వాటిల్లోని సమస్యలను పరిష్కరించాలని అధికారులను ఆదేశించారు. విభజనకు ముందు రాష్ట్రంలో నాలుగు మెడికల్ కాలేజీలు మాత్రమే ఉండేవని పేర్కొన్నారు. ఇప్పుడు తెలంగాణ రాష్ట్రంలో కాలేజీల సంఖ్యను భారీగా పెంచుకున్నట్లు వివరించారు.
గతంలో మహబూబాబాద్ చాలా వెనుకబడిన ప్రాంతంగా ఉండేదని, ఇప్పుడు జిల్లాగా మారడంతో అభివృద్ధి పరుగులు పెడుతుందన్నారు. జిల్లాలో కొత్త ఇంజినీరింగ్ కళాశాలను ఏర్పాటు చేస్తున్నట్లు ప్రకటించారు. వచ్చే విద్యా సంవత్సరం నుంచే కాలేజీని అందుబాటులోకి తెస్తామని హామీ ఇచ్చారు.