Metro Express-Buspass: మెట్రో ఎక్స్‌ప్రెస్‌ బస్‌పాస్‌తో ప్రయాణించే వారికి ఆర్టీసీ బంపర్‌ ఆఫర్‌
ఈ వార్తాకథనం ఏంటి
హైదరాబాద్ నగరంలో మెట్రో ఎక్స్‌ప్రెస్‌ బస్‌పాస్‌తో ప్రయాణించే ప్రయాణికులకు ఆర్టీసీ అద్భుతమైన ఆఫర్‌ను ప్రకటించింది.
ఈ పాస్ చూపించిన ప్రతిఒకరు,మంగళవారం(12వ తేదీ)నుంచి లహరి,రాజధాని, గరుడ ప్లస్, ఈ-గరుడ వంటి ఏసీ సర్వీసుల్లో టికెట్ ధరపై 10 శాతం రాయితీ పొందగలుగుతారు.
ఈ ఆఫర్‌ తెలంగాణతో పాటు ఇతర రాష్ట్రాలకు ప్రయాణించే టీజీఎస్ఆర్టీసీ బస్సులకు కూడా వర్తిస్తుంది.
మెట్రో ఎక్స్‌ప్రెస్‌ బస్‌పాస్‌ తీసుకున్న వారు, అలాగే మెట్రో డీలక్స్, గ్రీన్‌ మెట్రో, ఎయిర్‌పోర్టు పుష్పక్‌ బస్‌పాస్‌ ఉన్న వారు కూడా ఈ రాయితీకి అర్హత సాధిస్తారు.
ఈ ఆఫర్‌ 2025 జనవరి 31 వరకు కొనసాగుతుందని అధికారులు తెలిపారు. ఈ అవకాశాన్ని ప్రయోజనకరంగా వినియోగించుకోవాలని ఆర్టీసీ ఎండీ వీసీ సజ్జనార్ విజ్ఞప్తి చేశారు.
ట్విట్టర్ పోస్ట్ చేయండి
సజ్జనార్ చేసిన ట్వీట్
హైదరాబాద్ లోని మెట్రో ఎక్స్ ప్రెస్ బస్ పాస్ దారులకు శుభవార్త!! తమ దగ్గర ఉన్న బస్ పాస్ తో లహరి, రాజధాని, గరుడ ప్లస్, ఈ-గరుడ, తదితర ఏసీ సర్వీసుల్లో ప్రయాణిస్తే టికెట్ లో 10 శాతం రాయితీని టీజీఎస్ఆర్టీసీ ప్రకటించింది. తెలంగాణతో పాటు ఇతర రాష్ట్రాలకు వెళ్లే అన్ని టీజీఎస్ఆర్టీసీ ఏసీ… pic.twitter.com/QINAoc8HlA
— VC Sajjanar - MD TGSRTC (@tgsrtcmdoffice) November 11, 2024