ఎస్సీ, ఎస్టీలపై కాంగ్రెస్ వరాల జల్లు.. 12అంశాలతో డిక్లరేషన్
ఈ వార్తాకథనం ఏంటి
తెలంగాణలోని చేవెళ్లలో శనివారం కాంగ్రెస్ ప్రజా గర్జన సభ నిర్వహించింది.ఈ మేరకు 12 అంశాలతో కూడిన డిక్లరేషన్ ప్రకటించింది. ఇందులో భాగంగా ఎస్సీ, ఎస్టీ వర్గాలపై వరాల జల్లు కురిపించింది. కాంగ్రెస్ అధికారంలోకి తీసుకొస్తే అంబేేేద్కర్ అభయహస్తం పథకం కింద రూ.12లక్షలను ఇస్తామని వెల్లడించింది.
తమ ప్రభుత్వం ఏర్పడగానే రిజర్వేషన్లను పెంచుతామని స్పష్టం చేసింది.ఈ క్రమంలోనే ఎస్సీలకు 18శాతం, ఎస్టీలకు 12శాతం రిజర్వేషన్లు పెంచుతామని డిక్లరేషన్‌లో పేర్కొంది.
మరోవైపు ఎన్నో ఏళ్లుగా పెండింగ్ లో ఉన్న ఎస్సీ వర్గీకరణను సైతం చేపడతామన్నారు. ఈ నేపథ్యంలోనే దళితులను ఏ, బీ, సీ, డీలుగా వర్గీకరిస్తామని హామీ ఇచ్చింది.
కాంట్రాక్ట్ పనులు, ప్రైవేట్ సంస్థల ఉద్యోగాల్లోనూ ఎస్సీ, ఎస్టీలకు రిజర్వేషన్లు కల్పిస్తామని చెప్పింది.
details
ఎస్సీ, ఎస్టీలకు కేసీఆర్‌ సర్కార్ తీవ్ర అన్యాయం : మల్లిఖార్జున ఖర్గే
గృహ నిర్మాణానికి రూ.6 లక్షలు ఇస్తామని వివరించింది. పదో తరగతి నుంచి పీహెచ్‌డీ వరకు ఉన్న ఎస్సీ, ఎస్టీ విద్యార్థులకు నగదు ప్రోత్సాహకాలను అందిస్తామని భరోసా ఇచ్చింది.
గత 9 ఏళ్లుగా ఎస్సీ, ఎస్టీలకు కేసీఆర్‌ సర్కార్ తీవ్ర అన్యాయం చేసిందని కాంగ్రెస్ అధ్యక్షుడు మల్లిఖార్జున ఖర్గే మండిపడ్డారు.
ఎస్సీ, ఎస్టీ కాంగ్రెస్ డిక్లరేషన్ :
1. జనాభా ప్రకారం దళిత, గిరిజనులకు రిజర్వేషన్ల పెంపుదల.
2. ఏ, బీ, సీ, డీలుగా వర్గీకరణ. ప్రతి ఎస్సీ, ఎస్టీ కుటుంబానికి అంబేడ్కర్‌ అభయహస్తం పేరిట రూ. 12 లక్షల ఆర్థిక సాయం.
3. ప్రభుత్వ కాంట్రాక్టుల్లో ఎస్సీ, ఎస్టీలకు 18, 12 శాతం రిజర్వేషన్‌ చొప్పున వర్తింపు.
DETAILS
2006 అటవీ హక్కుల చట్టం కింద పోడు భూములకు పట్టాలు.
4. ఇందిరమ్మ పథకం కింద ఇల్లు లేని ఎస్సీ, ఎస్టీ కుటుంబాలకు ఇంటి స్థలం సహా నిర్మాణానికి రూ. 6 లక్షల గ్రాంట్
5. ప్రైవేట్ విద్యాసంస్థల్లో, ప్రభుత్వ ప్రోత్సాహకాలు పొందే కంపెనీల్లో రిజర్వేషన్లు.
6. 2013 చట్టం మేరకు పట్టా, ఎసైన్డ్‌ భూములకు పరిహారం అందజేత. పోడు భూముల తాకట్టు లేదా విక్రయించుకునేందుకు పూర్తి హక్కులు. 2006 అటవీ హక్కుల చట్టం కింద పోడు భూములకు పట్టాలు.
7. బీఆర్ఎస్ సర్కార్ లాక్కున్న ఎసైన్డ్‌ భూములన్నీ మళ్లీ ఆయా బాధితులకే అప్పగింత. అంతేకాకుండా యాజమాన్య హక్కులను అందిస్తామని ప్రకటన
8. ప్రతి గూడెం, తండా పంచాయతీకి సమ్మక్క సారక్క గిరిజన గ్రామీణ అభివృద్ధి కింద రూ. 25 లక్షల నిధులు
DETAILS
ఎస్సీల్లో మాల,మాదిగ, ఉపకులాల వారికి 3 కార్పొరేషన్లు
9. మైదాన ప్రాంతంలోని ఎస్టీలకు కొత్తగా 5 ఐటీడీఏలు. మొత్తం 9 ఐటీడీఏ కేంద్రాల్లో సూపర్‌ స్పెషాలిటీ ఆస్పత్రుల నిర్మాణానికి డిక్లరేషన్.
10. ఎస్సీల్లో మాల, మాదిగ, ఉపకులాల వారికి విడివిడిగా 3 కార్పొరేషన్లు ఏర్పాటు చేసి ఏటా రూ.750 కోట్ల చొప్పున నిధులు విడుదల.
11. తుకారాం,ఆదివాసీ, సంత్‌ సేవాలాల్‌ లంబాడా, ఎరుకలకు వేర్వేరు కార్పొరేషన్లు. ఒక్కోదానికి రూ.500 కోట్లు ఇస్తామని ప్రకటన
12. దళిత, గిరిజన విద్యార్థులకు విద్యాజ్యోతి కింద పది పాసైతే రూ.10 వేలు, ఇంటర్‌ కు రూ.15 వేలు,డిగ్రీ పాసైతే రూ.25 వేలు,ఎంఫిల్‌, పీహెచ్‌డీలకు రూ.5 లక్షల బహుమానం.ప్రతి మండలంలో గురుకుల పాఠశాల ఏర్పాటు, ఫీజు రీయింబర్స్‌మెంట్‌, విదేశాల్లో సీటు వస్తే నిధుల మంజూరు.