అజ్మీర్‌లో భారీ రైలు ప్రమాదానికి కుట్ర.. ట్రాక్ పై సిమెంట్ దిమ్మెను పెట్టిన దుండగలు
ఈ వార్తాకథనం ఏంటి
రాజస్థాన్‌లోని అజ్మీర్ వద్ద దారుణమైన రైలు ప్రమాదానికి కుట్ర జరిగినట్టు తెలుస్తోంది. కొందరు గుర్తు తెలియని వ్యక్తులు రైల్వే ట్రాక్‌పై సిమెంట్ దిమ్మెను ఉంచారు. వేగంగా వచ్చిన రైలు ఆ దిమ్మెను బలంగా ఢీకొట్టడంతో ఇంజిన్‌కు తీవ్ర నష్టం వాటిల్లింది. ఈ నేపథ్యంలో ట్రాక్ కూడా దెబ్బతింది. లోకో పైలట్ అప్రమత్తంగా వ్యవహరించి, వెంటనే ఈ విషయాన్ని రైల్వే ప్రొటెక్షన్ ఫోర్స్ (ఆర్పీఎఫ్) అధికారులకు తెలియజేశారు.
Details
దర్యాప్తు సాగిస్తున్న పోలీసులు
ఘటనా స్థలానికి చేరుకున్న పోలీసులు దర్యాప్తు చేస్తున్నారు. పోలీసులు ప్రాథమిక దర్యాప్తులో భాగంగా ఈ కుట్రలో ఒకరి కంటే ఎక్కువ మంది ప్రమేయం ఉన్నట్లు భావిస్తున్నారు. రెండు రోజుల క్రితం కాన్పూర్‌లో జరిగిన మరో ఘటనలో ఇదే విధమైన కుట్ర బయటికొచ్చిన విషయం తెలిసిందే. అయితే ఈ రెండు ఘటనలు సంబంధం ఏమైనా కలిగి ఉందనే అనుమానంతో కూడా పోలీసుల దర్యాప్తు సాగుతోంది.