Cyclone Dana : హిందూ మహాసముద్రంలో ఏర్పడిన 'దానా' తుపాను.. ఒడిశాను తాకే అవకాశాలు
ఈ వార్తాకథనం ఏంటి
హిందూ మహాసముద్రంలో ఏర్పడిన 'దానా' తుపాను ఒడిశా రాష్ట్రాన్ని తాకడం ఖాయమని భారత వాతావరణ శాఖ (ఐఎండీ) స్పష్టం చేసింది.
ఈ తుపాను కారణంగా రాష్ట్రవ్యాప్తంగా భారీ వర్షాలు పడతాయని ఐఎండీ తెలిపింది. అయితే తుపాన్‌కు 'దానా' అని ఎలా పేరు వచ్చిందో, ఆ తుఫాన్లకు పేర్లు ఎలా పెడతారో ఇప్పుడు తెలుసుకుందాం.
ప్రపంచవ్యాప్తంగా ట్రాపికల్ సైక్లోన్స్కు పేర్ల జాబితాను నిర్వహించడం అనేది ప్రపంచ వాతావరణ సంస్థ (డబ్ల్యూఎంఓ) బాధ్యత.
ప్రతి సారి కొత్త తుపాను ఏర్పడినప్పుడు, ముందుగానే నిర్ణయించిన పేర్ల జాబితా ఉపయోగిస్తారు. ఇది అక్షర క్రమంలో కేటాయిస్తారు. ఈ పేర్లు ప్రతి ఆరేళ్లకొక్కసారి మళ్లీ పునరావృతమవుతాయి.
Details
ఐఎండీ హెచ్చరిక
ఉత్తర హిందూ మహాసముద్రంలో ఉష్ణమండల తుపాను నామకరణ వ్యవస్థలో పాల్గొన్న 14 దేశాలలో ఒకటైన సౌదీ అరేబియా ఈ 'దానా' పేరును ఇచ్చింది.
దానా అనే పేరు అరబిక్ భాషలో 'ఉదారత' లేదా 'బహుమానం' అని అర్థం. ఈ ప్రాంతంలో ఇటీవలి తుపానులకు వివిధ దేశాల నుంచి వచ్చిన పేర్లను పరిశీలించండి
తౌక్టే (మయన్మార్ పేరు, గెక్కో అని అర్థం)
నివర్ (ఇరాన్ పేరు, కాంతి లేదా గాలి అని అర్థం)
అంఫన్ (థాయ్లాండ్ పేరు, ఆకాశం అని అర్థం)
మధ్య అండమాన్ సముద్రంపై అక్టోబర్ 23 (బుధవారం) నాటికి ఈ వాయుగుండం 'దానా' తుపానుగా మారతుందని ఐఎండీ తెలిపింది.
Details
మత్స్యకారులు వేటకు వెళ్లొద్దు
అక్టోబర్ 24 ఉదయం నాటికి ఇది ఒడిశా-పశ్చిమ బెంగాల్ తీరాలకు చేరుకోనుంది.
అక్టోబర్ 23 నుండి ఈ ప్రాంతంలో గంటకు 60 కిలోమీటర్ల వేగంతో గాలులు వీస్తాయని, అక్టోబర్ 24 రాత్రి నుండి అక్టోబర్ 25 ఉదయం వరకు గంటకు 120 కిలోమీటర్ల వేగంతో గాలులు వీస్తాయని వెల్లడించారు.
అక్టోబర్ 24 నుంచి 25 వరకు ఉత్తర బంగాళాఖాతంలోకి మత్స్యకారులు వేటకు వెళ్లరాదని అధికారులు హెచ్చరించారు.