Cyclone Ditwah: తీవ్రవాయుగుండగా దిత్వా తుపాను.. గంటకు 7కి.మీ వేగం
ఈ వార్తాకథనం ఏంటి
నైరుతి బంగాళాఖాతంలో ఏర్పడి, శ్రీలంక తీరాన్ని ఆనుకొని ముందుకు సాగుతున్న దిత్వా తుపాను ప్రస్తుతం పుదుచ్చేరికి సుమారు 300 కిలోమీటర్లు, చెన్నైకి 400 కిలోమీటర్లు దూరంలో కేంద్రీకృతమై ఉంది. ఆరు గంటలుగా తుపాను గంటకు 7 కిలోమీటర్ల వేగంతో కదులుతున్నట్లు అధికారులు తెలిపారు. వాతావరణ శాఖ అంచనాల ప్రకారం, దిత్వా తుపాను ఆదివారం తెల్లవారుజామున తీవ్ర వాయుగుండం రూపంలో తమిళనాడు, పుదుచ్చేరి మరియు దక్షిణ కోస్తాంధ్ర తీరాలను చేరుకునే అవకాశం ఉంది.
Details
భారీ వర్షాలు కురిసే అవకాశం
తుపాను ప్రభావంతో ఈరోజు చిత్తూరు, తిరుపతి జిల్లాల్లో భారీ వర్షాలు కురిసే అవకాశం ఉన్నట్లు హెచ్చరికలు జారీ అయ్యాయి. అలాగే ప్రకాశం, నెల్లూరు, కడప, అన్నమయ్య జిల్లాల్లో స్థానికంగా మోస్తరు నుంచి భారీ వర్షాలు పడే అవకాశం ఉందని విపత్తుల ప్రతిస్పందన సంస్థ ఎండీ ప్రఖర్ జైన్ వెల్లడించారు. తుపాను తీవ్రత దృష్ట్యా మంగళవారం వరకు మత్స్యకారులు సముద్ర వేటకు వెళ్లొద్దని, ప్రజలు రైతులు అప్రమత్తంగా ఉండాలని ఆయన సూచించారు.