Andhra Pradesh: రిజిస్ట్రేషన్ల శాఖ వెబ్‌పోర్టల్‌ ద్వారా క్షణాలలో దస్తావేజు నకళ్లు, ఈసీలు
ఈ వార్తాకథనం ఏంటి
ఇప్పుడు భూములు, స్థలాలు, భవనాలకు సంబంధించిన దస్తావేజు నకళ్లు లేదా ఈసీలు పొందడం చాలా సులభం అయ్యింది.
రిజిస్ట్రేషన్‌ కార్యాలయాలు లేదా మీసేవ కేంద్రాలకు వెళ్లాల్సిన అవసరం లేకుండా, వీటిని ఆన్‌లైన్‌ ద్వారా పొందడానికి ప్రభుత్వం సౌకర్యాలు అందుబాటులోకి తెచ్చింది.
గత వైసీపీ ప్రభుత్వ హయాంలో ఈ సేవలు రద్దు చేయబడినప్పటికీ, ప్రస్తుత ప్రభుత్వం ఈ ప్రక్రియను సవరించి, సర్వర్‌ సమస్యలను నివారించే మార్గాలను ప్రవేశపెట్టింది.
ఇప్పుడు నిర్ణీత రుసుములు ఆన్‌లైన్‌లో చెల్లించి, క్షణాల్లో ఈసీ, సీసీ కాపీలను పొందవచ్చు.
ప్రస్తుత వెబ్‌పోర్టల్‌ ద్వారా ఐదు రకాల సేవలు అందుబాటులో ఉన్నాయి.
వివరాలు
రిజిస్ట్రార్‌ సంతకం అవసరం లేకుండా..
https://registration.ap.gov.in పోర్టల్‌లో కుడివైపున ఉన్న ఈసీ, సీసీ సెర్చ్‌ ఆప్షన్‌పై క్లిక్‌ చేస్తే సంబంధిత పేజీ తెరుచుకుంటుంది.
ఇక్కడ ఈసీ ఇన్ఫర్మేషన్, సైన్డు ఈసీ, సైన్డు సీసీ వంటి ఆప్షన్లు ఉంటాయి.
రిజిస్ట్రార్‌ సంతకం అవసరం లేకుండా ఇన్ఫర్మేషన్ ఈసీ కావాలంటే, పేరు, చిరునామా, దస్తావేజు నంబరు, రిజిస్ట్రేషన్‌ సంవత్సరం వివరాలను నమోదు చేసి ఉచితంగా పొందవచ్చు.
సంతకం ఉన్న ఈసీ లేదా సీసీ కావాలంటే, యూజర్‌ లాగిన్‌ చేసి మెయిల్‌ ఐడీ, మొబైల్, ఆధార్‌ నంబర్లతో నమోదు చేసుకోవాలి.
లాగిన్‌ తర్వాత, అవసరమైన ఆప్షన్‌ ఎంచుకుని, సంబంధిత వివరాలు నింపి, ఆన్‌లైన్‌ ద్వారా రుసుము చెల్లించాలి.
వివరాలు
రుసుములు:
ఈ ప్రక్రియ పూర్తయిన తర్వాత, యూజర్‌ లాగిన్‌లోనే కాపీలు డౌన్‌లోడ్‌ చేసుకోవచ్చు.
సంతకం ఉన్న ఈసీ కాపీ కూడా ఇదే విధంగా పొందవచ్చు. పబ్లిక్‌ డేటా ఎంట్రీ, స్టాంపు ఇండెంట్, ఎంవీ అసిస్టెన్స్‌ వంటి సేవలు కూడా అందుబాటులో ఉన్నాయి.
దస్తావేజు కాపీకి రూ. 320
30 ఏళ్ల పైగా సమాచారంతో ఉన్న ఈసీకి రూ. 600
30 ఏళ్లలోపు సమాచారంతో ఉన్న ఈసీకి రూ. 300
ఈ కొత్త విధానం ద్వారా ప్రజల సమయం, శ్రమను ఆదా చేయడంతో పాటు, రిజిస్ట్రేషన్‌ సేవలను మరింత సులభతరం చేయడం జరిగింది.