Delhi Air Pollution: ఢిల్లీలో పెరుగుతున్న వాయు కాలుష్యం.. 300కి చేరిన ఎయిర్ క్వాలిటీ ఇండెక్స్..
ఈ వార్తాకథనం ఏంటి
దేశ రాజధాని ఢిల్లీ వాయు కాలుష్య స్థాయి రోజు రోజుకు మారుతోంది. ఈ రోజు (నవంబర్ 28 తేదీ) ఉదయం, ఢిల్లీలోని హస్తిన ప్రాంతంలో వాయు కాలుష్య స్థాయి ఏక్యూఐ 300కు చేరింది.
సెంట్రల్ పొల్యూషన్ కంట్రోల్ బోర్డు తెలిపిన వివరాల ప్రకారం, ఢిల్లీలోని అనేక ప్రాంతాల్లో గాలి నాణ్యత "చాలా దారుణంగా" ఉన్నట్లు పేర్కొంది.
ఇండియా గేట్ వద్ద భారీ పొగమంచు కమ్ముకుంది, అలాగే కాళింది కుంజ్ ప్రాంతంలో యమునా నదిలో విషపు నురుగు భారీగా ప్రవహిస్తుందని వెల్లడించింది.
పలు ప్రాంతాలలో వాయు కాలుష్యం కారణంగా కంటి నొప్పులు, గొంతు సమస్యలు, శ్వాస తీసుకోవడంలో కష్టాలు ఉంటున్నాయని ప్రజలు అంగీకరించారు.
వివరాలు
ఢిల్లీలో దట్టమైన పొగమంచు కురిసే అవకాశం
ఢిల్లీ-ఎన్‌సీఆర్ ప్రాంతంలో కురుస్తున్న పొగమంచు సూర్యరశ్మిని అడ్డుకుంటుంది, దీని వల్ల శరీరంలో ఎముకలు బలహీనంగా మారుతున్నట్లు ఎయిమ్స్‌ సంస్థ అధ్యయనంలో వెల్లడైంది.
సూర్య కాంతి నుంచి వచ్చే UVA, UVB కిరణాలు మన శరీరంలో విటమిన్ D3 ఉత్పత్తికి అవసరమైన ముఖ్యమైన మూలకాలు. పొగమంచు కారణంగా, శీతాకాలంలో సూర్యరశ్మి భూమిపై చేరకుండా అడ్డుకుంటున్నట్లు వెల్లడించారు.
ఎయిమ్స్‌ నిపుణులు చేప్పిన ప్రకారం, ఢిల్లీ మరియు గురుగ్రామ్‌లలో నిర్వహించిన అధ్యయనంలో సూర్యరశ్మి తగ్గిపోవడం వల్ల విటమిన్ D లోపం పెరుగుతున్నట్లు తెలియజేశారు.
ఢిల్లీలో వాయు కాలుష్య స్థాయి పెరిగిన నేపథ్యంలో పొగమంచు తీవ్రత మరింత అధికం అవుతోంది.
ఈరోజు ఢిల్లీలో దట్టమైన పొగమంచు కురిసే అవకాశం ఉన్నట్లు భారత వాతావరణశాఖ ఎల్లో అలర్ట్‌ ప్రకటించింది.