Divvela Madhuri : దువ్వాడ ఫ్యామిలీలో మరో ట్విస్ట్.. టొల్ గేట్ వద్ద మాధురి కారు యాక్సిడెంట్
గత మూడ్రోజులగా వైసీపీ ఎమ్మెల్సీ దువ్వాడ శ్రీవినాస్ కుటుంబ వ్యవహారం ఏపీలో హాట్ టాపిక్ అయింది. ఈ క్రమంలో ఆదివారం ఊహించని ట్విస్ట్ చోటు చేసుకుంది. దువ్వాడ శ్రీనివాస్ కు సంబంధించి దివ్వెల మాధురి ఆరోపణలు ఎదుర్కొంటున్న విషయం తెలిసిందే. తాజాగా ఆమె రోడ్డు ప్రమాదానికి గురయ్యారు. ఆదివారం మధ్యాహ్నం ఆమె కారు బోల్తా పడింది. దివ్వెల మాధురి కారు వేగంగా వచ్చి మరో కారును ఢీకొట్టడంతో ఈ ప్రమాదం జరిగినట్లు తెలుస్తోంది. ఈ ఘటనలో ఆమెకు స్వల్ప గాయాలు కాగా, ప్రస్తుతం ఆస్పత్రిలో చికిత్స పొందుతోంది.
దువ్వాడ శ్రీనివాస్ ఫ్యామిలీలో గొడవలు
పలాస మండలం లక్ష్మీపురం టోల్‌గేట్ సమీపంలో దివ్వెల మాధురి కారు, మరో కారు ఢీకొట్టి బోల్తా పడింది. స్థానికుల సాయంతో ఆమెను పలాస ప్రభుత్వాస్పత్రికి తరలించారు. గత మూడ్రోజులగా దువ్వాడ శ్రీనివాస్ ఫ్యామిలీలో గొడవలు జరుగుతున్నాయి. దువ్వాడ భార్య వాణి, ఆమె కుమార్తె హైందవి శ్రీను ఇంటి వద్ద నిరసనకు దిగారు. తన భర్త కూతుళ్లకు అన్యాయం చేశారని ఆమె ఆరోపణలు చేసింది. మాజీ సీఎం జగన్ స్పందించి తమకు న్యాయం చేయాలని ఆమె కోరారు.
