తదుపరి వార్తా కథనం
Indigo Crisis: ప్రయాణికులను దోపిడీ చేయొద్దు.. టికెట్ ధరల పెరుగుదలపై కేంద్రం కఠిన హెచ్చరిక
వ్రాసిన వారు
Jayachandra Akuri
Dec 06, 2025
01:32 pm
ఈ వార్తాకథనం ఏంటి
దేశీయ విమానయాన సంస్థ ఇండిగో సేవల్లో ఏర్పడిన అంతరాయంతో అనేక మంది ప్రయాణికులు గమ్యస్థానాలకు చేరుకోలేక పెద్ద ఎత్తున ఇబ్బందులు ఎదుర్కొంటున్నారు. ఈ అవకాశాన్ని కొన్ని ఇతర విమానయాన సంస్థలు ఉపయోగించుకుంటూ టికెట్ ధరలను భారీగా పెంచాయి. దీంతో ప్రయాణికులు అధిక ధరలు చెల్లించి టికెట్లు కొనాల్సి వస్తోందని పలువురు ఎక్స్ ప్లాట్ఫారమ్లో పోస్టులు చేస్తున్నారు. పరిస్థితి తీవ్రతను గమనించిన కేంద్ర ప్రభుత్వం శనివారం వెంటనే స్పందించింది. ప్రయాణికులు అనవసరంగా అధిక ఛార్జీల భారాన్ని మోయకుండా నివారించేందుకు చర్యలు ప్రారంభించింది. ధరల నియంత్రణ వ్యవస్థను అమల్లోకి తీసుకువచ్చి, దానిని ఖచ్చితంగా అనుసరించాలని పౌర విమానయాన మంత్రిత్వ శాఖ అన్ని విమానయాన సంస్థలను ఆదేశించింది.