వైఎస్సార్ జిల్లాలో ఘోర రోడ్డు ప్రమాదం.. ఐదుగురు దుర్మరణం

YSR Dist: వైఎస్సార్ జిల్లాలో ఘోర రోడ్డు ప్రమాదం.. ఐదుగురు దుర్మరణం

వ్రాసిన వారు Jayachandra Akuri

Aug 26, 2024

10:01 pm

ఈ వార్తాకథనం ఏంటి

వైఎస్సార్ జిల్లా గువ్వలచెరువు ఘాట్ రోడ్డులో ఘోర ప్రమాదం చోటుచేసుకుంది. చింతకొమ్మదిన్నె మండల పరిధిలో కారు-కంటైనర్ ఢీకొన్నాయి. ఈ ఘటనలో ఐదుగురు వ్యక్తులు అక్కడిక్కడే ప్రాణాలు కోల్పోయారు. కారులో ఉన్న నలుగురు, కంటైనర్ డ్రైవర్‌ ఈ ప్రమాదంలో మృతి చెందారు. కారులో ప్రయాణిస్తున్న వారంతా బంధువుల అంత్యక్రియల నుంచి తిరిగి వస్తుండగా ఈ ప్రమాదం జరిగింది. మృతులు చక్రాయపేట మండలం కొన్నేపల్లికి చెందినవారిగా గుర్తించారు. కంటైనర్ డ్రైవర్ వివరాలు ఇంకా తెలియాల్సి ఉంది.