ఆప్ ఎంపీ రాఘవ్ చద్దా ఫోర్జరీ ఆరోపణలు; విచారణకు ఆదేశం
ఈ వార్తాకథనం ఏంటి
దిల్లీ సర్వీసెస్ బిల్లు (నేషనల్ క్యాపిటల్ టెరిటరీ ఆఫ్ ఢిల్లీ (సవరణ) బిల్లు, 2023) సోమవారం రాజ్యసభలో ఆమోదం పొందిందిన విషయం తెలిసిందే.
ఆ బిల్లును సెలెక్ట్ కమిటీకి పంపాలని మంగళవారం ఆమ్ ఆద్మీ పార్టీకి చెందిన రాజ్యసభ ఎంపీ రాఘవ్ చద్దా తీర్మానం ప్రవేశపెట్టారు.
అయితే చద్దా ప్రవేశపెట్టిన తీర్మానంపై రాజ్యసభ సభ్యులు చేసిన సంతకాలు నకిలీవని బీజేపీ సభ్యులు ఆరోపించారు.
చద్దా ప్రవేశపెట్టిన తీర్మానంపై సంతకాలు చేసిన ఎంపీలు పేర్లను రాజ్యసభ డిప్యూటీ చైర్మన్ చదువుతుండగా, ఓ ఐదుగురు సభ్యులు అభ్యంతరం వ్యక్తం చేశారు. తాము ఆ సంతకాలు చేయలేదని, రాఘవ్ చద్దా ఫోర్జరీ చేశారని ఆరోపించారు.
రాజ్యసభ
రాఘవ్ చద్దాకు ప్రత్యేక హక్కుల ఉల్లంఘన నోటీసులు
తమ సంతకాలను చద్దా ఫోర్జరీ చేశారని నర్హాని అమిన్ (బీజేపీ), సుధాన్షు త్రివేది (బీజేపీ), ఫాంగ్నోన్ కొన్యాక్ (బీజేపీ), సస్మిత్ పాత్ర (బిజూ జనతాదళ్),కె. తంబిదురై (ఏఐఏడీఎంకే) రాజ్యసభ డిప్యూటీ ఛైర్మన్‌కు ఫిర్యాదు చేశారు.
ఈ ఐదుగురు రాఘవ్ చద్దాకు ప్రత్యేక హక్కుల ఉల్లంఘన నోటీసులు ఇచ్చారు.
అంతకుముందు అమిత్ షా రాజ్యసభలో మాట్లాడుతూ.. దిల్లీ సర్వీస్ బిల్లును సెలక్ట్ కమిటీ పంపాలన్న ప్రతిపాదన పత్రంపై ఎంపీల సంతకాలు ఫోర్జరీ చేశారన్నారు.
ఎంపీల వాంగ్మూలాన్ని రికార్డు చేసి, దర్యాప్తు చేయాలన్నారు. దీంతో డిప్యూటీ డిప్యూటీ చైర్మన్ మాట్లాడుతూ.. ఈ విషయంపై విచారణ జరుపుతామని చెప్పారు.
అవసరమైతే ఫస్ట్ ఇన్ఫర్మేషన్ రిపోర్ట్ (ఎఫ్‌ఐఆర్) నమోదుకు రాజ్యసభ చైర్మన్ సిఫారసు చేయవచ్చని సంబధిత వర్గాలు తెలిపాయి.