NRI: శంషాబాద్ విమానాశ్రయంలో తగ్గుతున్న విదేశీ ప్రయాణికులు.. కారణం ఇదే
ఈ వార్తాకథనం ఏంటి
శంషాబాద్ విమానాశ్రయంలో విదేశీ ప్రయాణికుల రాకపోకలు క్రమంగా తగ్గుతున్నాయి. పశ్చిమాసియాలో కొనసాగుతున్న యుద్ధ ప్రభావం దీనిపై పడుతోంది. అమెరికాతో పాటు పలు దేశాల నుంచి భారత్కు వచ్చే ప్రయాణికుల సంఖ్య తగ్గుముఖం పట్టింది. మరోవైపు ఇంధన సర్ఛార్జి, విమాన టికెట్ల ధరల పెంపు కూడా అంతర్జాతీయ ప్రయాణాలపై తీవ్ర ప్రభావం చూపిస్తోంది.
వివరాలు
జూన్లో ఇలా..
గతేడాది జూన్తో పోలిస్తే ఈ ఏడాది జూన్లో శంషాబాద్ విమానాశ్రయం నుంచి రాకపోకలు సాగించిన విదేశీ ప్రయాణికుల సంఖ్య తగ్గింది.
గతేడాది జూన్లో 4.42 లక్షల మంది విదేశీ ప్రయాణికులు శంషాబాద్ విమానాశ్రయం ద్వారా రాకపోకలు సాగించారు.
ఈ ఏడాది జూన్లో ఆ సంఖ్య 4.30 లక్షలకు పరిమితమైంది. అంటే గతేడాదితో పోలిస్తే ఈ ఏడాది జూన్లో విదేశీ ప్రయాణికుల సంఖ్య తగ్గిపోయింది.
దేశంలోని ప్రధాన మెట్రో నగరాల అంతర్జాతీయ విమానాశ్రయాల్లోనూ ఇదే పరిస్థితి కనిపిస్తోంది.
దిల్లీ, ముంబయి, చెన్నై, బెంగళూరు విమానాశ్రయాల్లో విదేశీ ప్రయాణికుల వృద్ధిరేటు మైనస్లోకి వెళ్లింది.
శంషాబాద్ విమానాశ్రయం విషయానికొస్తే.. గతేడాది ఏప్రిల్, మే, జూన్ నెలల్లో కలిపి 11.37 లక్షల మంది విదేశీ ప్రయాణికులు రాకపోకలు సాగించారు.
వివరాలు
వృద్ధిరేటు తిరోగమనం
ఈ ఏడాది ఇదే మూడు నెలల్లో 11.20 లక్షల మంది మాత్రమే ప్రయాణించినట్లు ఎయిర్పోర్ట్ అథారిటీ ఆఫ్ ఇండియా (ఏఏఐ) నివేదిక వెల్లడించింది.
మెట్రో నగరాల్లోని అంతర్జాతీయ విమానాశ్రయాల ప్రయాణికుల వృద్ధిరేటును పరిశీలిస్తే.. గతంలో 8 నుంచి 12 శాతం వరకు నమోదయ్యేది.
అయితే గతేడాది అక్టోబరు నుంచి ఈ వృద్ధిరేటు క్రమంగా తిరోగమనం వైపు పయనిస్తోంది.
అంతర్జాతీయంగా చోటుచేసుకుంటున్న పరిణామాలు విమాన ప్రయాణాలపై ప్రభావం చూపుతున్నాయి.
వివరాలు
వృద్ధిరేటు తిరోగమనం
దిల్లీ అంతర్జాతీయ విమానాశ్రయంలో సాధారణంగా ఏటా విదేశీ ప్రయాణికుల సంఖ్య పెరుగుతూ ఉండేది.
అయితే గతేడాది ఏప్రిల్, మే, జూన్ నెలల్లో నమోదైన విదేశీ ప్రయాణికుల రాకపోకలతో పోలిస్తే.. ఈ ఏడాది తొలి ఆర్థిక త్రైమాసికంలో దిల్లీ విమానాశ్రయం కూడా మైనస్ వృద్ధిరేటును నమోదు చేసింది.
దీంతో దేశంలోని ప్రధాన అంతర్జాతీయ విమానాశ్రయాల్లో విదేశీ ప్రయాణికుల రాకపోకలపై ప్రస్తుత అంతర్జాతీయ పరిస్థితులు, పెరుగుతున్న ప్రయాణ వ్యయాల ప్రభావం స్పష్టంగా కనిపిస్తోంది.