HAL: 'తేజస్‌' జెట్లకు ఇంధనం అందించబోతున్న GE.. 113 ఇంజన్ల ఒప్పందంపై హెచ్‌ఏఎల్‌ సంతకం!
ఈ వార్తాకథనం ఏంటి
భారత స్వదేశీ యుద్ధవిమాన తయారీ ప్రాజెక్టులో మరో కీలక అడుగు పడింది. హిందుస్థాన్ ఏరోనాటిక్స్ లిమిటెడ్‌ (HAL) అమెరికా కంపెనీ జనరల్ ఎలక్ట్రిక్‌ (GE)తో పెద్ద ఒప్పందం కుదుర్చుకుంది. దేశీయంగా తయారవుతున్న లైట్ కామ్బాట్ ఎయిర్క్రాఫ్ట్ (ఎల్సీఏ) 'తేజస్‌ మార్క్-1A'కు అవసరమైన 100కు పైగా జెట్‌ ఇంజిన్ల సరఫరా కోసం ఈ ఒప్పందం కుదిరింది.
Details
113 ఇంజిన్ల సరఫరా ఒప్పందం
హెచ్‌ఏఎల్‌ ప్రకటించిన వివరాల ప్రకారం, మొత్తం 113 ఎఫ్‌404-జీఈ-ఐఎన్20 జెట్‌ ఇంజిన్లు సరఫరా చేయనుంది GE కంపెనీ. వీటితో పాటు పూర్తి సపోర్ట్ ప్యాకేజ్‌ కూడా అందించనుంది. ఈ ఇంజిన్లు 2027 నుండి 2032 మధ్య భారత్‌కు చేరనున్నాయి. ఈ ఇంజిన్లు కొత్తగా ఆర్డర్‌ చేసిన 97 తేజస్‌ మార్క్-1A విమానాల కోసం వినియోగించనున్నారు. 97 కొత్త తేజస్‌ విమానాలకు రూ.62,370 కోట్లు హెచ్‌ఏఎల్‌ ఇటీవలే 97 తేజస్‌ మార్క్-1A యుద్ధవిమానాల ఆర్డర్‌ను సాధించింది. వీటిలో 68 సింగిల్ సీటర్లు, 29 ట్విన్ సీటర్ వెర్షన్లు ఉన్నాయి. మొత్తం విలువ రూ.62,370 కోట్లకు పైగా ఉంటుంది. ఈ యుద్ధవిమానాల డెలివరీలు 2028 ఆర్థిక సంవత్సరంలో ప్రారంభమై ఆరేళ్లలో పూర్తి కానున్నాయి.
Details
'ఆత్మనిర్భర్ భారత్' దిశగా మరో అడుగు
తేజస్‌ మార్క్-1A యుద్ధవిమానం, ఏరోనాటికల్ డెవలప్‌మెంట్ ఏజెన్సీ (ADA) అభివృద్ధి చేయగా, హెచ్‌ఏఎల్‌ ఉత్పత్తి చేస్తోంది. ఇది 'ఆత్మనిర్భర్ భారత్' పథకంలో రక్షణ తయారీ రంగంలో భారత స్వావలంబనను బలపరిచే మరో పెద్ద అడుగుగా భావిస్తున్నారు. సివిల్ ఏవియేషన్‌లోకూ అడుగుపెట్టిన హెచ్‌ఏఎల్‌ రక్షణ రంగంతో పాటు పౌర విమానయాన రంగంలోకూ హెచ్‌ఏఎల్‌ తన అడుగులు వేస్తోంది. ఇటీవల రష్యాకు చెందిన యునైటెడ్ ఎయిర్క్రాఫ్ట్ కార్పొరేషన్‌ (PJSC-UAC) సంస్థతో ఒక అవగాహన ఒప్పందం (MoU) కుదుర్చుకుంది. ఈ ఒప్పందం ప్రకారం, మాస్కోలో SJ-100 రీజినల్‌ ఎయిర్‌క్రాఫ్ట్‌‌ను సంయుక్తంగా ఉత్పత్తి చేయనున్నారు.
Details
భారత UDAN పథకానికి ఊపునిచ్చే ప్రాజెక్టు
SJ-100 రెండు ఇంజిన్లతో నడిచే న్యారో బాడీ జెట్‌. ఇప్పటికే ప్రపంచవ్యాప్తంగా 16 వాణిజ్య ఎయిర్‌లైన్స్‌లో 200కు పైగా SJ-100 విమానాలు సేవలందిస్తున్నాయి. ఈ భాగస్వామ్యం భారత UDAN (ఉడాన్‌) పథకాన్ని బలపరిచే దిశగా కీలక పాత్ర పోషించనుందని హెచ్‌ఏఎల్‌ తెలిపింది. తదుపరి 10 ఏళ్లలో 200 విమానాల అవసరం భారతదేశంలో రీజినల్‌ ఎయిర్ కనెక్టివిటీని బలపరిచేందుకు రాబోయే దశాబ్దంలో 200కు పైగా విమానాలు అవసరమవుతాయని హెచ్‌ఏఎల్‌ అంచనా వేసింది. అదనంగా, భారత మహాసముద్ర ప్రాంతంలోని పర్యాటక గమ్యస్థానాలకు సేవలందించేందుకు మరో 350 విమానాల అవసరం ఉండొచ్చని సంస్థ వెల్లడించింది.