వినియోగదారులకు గుడ్‌న్యూస్; వాణిజ్య ఎల్‌పీజీ సిలిండర్ ధరలు తగ్గాయ్
వాణిజ్య ఎల్‌పీజీ సిలిండర్ ధరలను తగ్గిస్తున్నట్లు పెట్రోలియం, చమురు మార్కెటింగ్ కంపెనీలు శనివారం ప్రకటించాయి. ఏప్రిల్ 1నుంచి తగ్గిన ధరలు తక్షణమే అమలులోకి వస్తాయని చమురు కంపెనీలు తెలిపాయి. తగ్గిన ధరతో రాజధానిలో ఇప్పుడు 19 కిలోల కమర్షియల్ ఎల్‌పీజీ సిలిండర్ ధర రూ.2,028 అవుతుంది. అయితే దేశీయ ఎల్‌పీజీ సిలిండర్ల ధరల్లో ఎలాంటి మార్పులు చేయలేదని సంబంధిత వర్గాలు తెలిపాయి.
మార్చి 1న కమర్షియల్, డొమెస్టిక్ సిలిండర్ ధరలను పెంచిన చమురు సంస్థలు
పెట్రోలియం, ఆయిల్ మార్కెటింగ్ కంపెనీలు ఈ ఏడాది మార్చి 1న కమర్షియల్ ఎల్‌పీజీ సిలిండర్ ధరలను యూనిట్‌కు రూ.350.50, డొమెస్టిక్ ఎల్‌పీజీ సిలిండర్‌పై యూనిట్‌కు రూ.50 చొప్పున పెంచాయి. అంతకుముందు జనవరి 1న కమర్షియల్ సిలిండర్ ధరలను యూనిట్‌కు రూ.25 పెంచారు. కమర్షియల్ సిలిండర్ల ధరలను గత ఏడాది సెప్టెంబర్ 1న చివరిసారిగా రూ.91.50 తగ్గించారు. ఆగస్ట్ 1, 2022న కూడా కమర్షియల్ ఎల్‌పీజీ సిలిండర్ల ధరలు రూ.36 తగ్గాయి. అంతకు ముందు జూలై 6న 19 కిలోల కమర్షియల్ సిలిండర్ ధరలను యూనిట్‌కు రూ.8.5 తగ్గించారు.
