Amaravati: అమరావతిలో భూముల సేకరణకు ప్రభుత్వం నోటిఫికేషన్లు జారీ!
ఈ వార్తాకథనం ఏంటి
రాజధాని అమరావతిలో భూసేకరణలో కొత్త చర్యలు - ప్రభుత్వం సమీకరణలో ఇవ్వని భూములను సేకరణ విధానంలోకి తేవడం ప్రారంభించింది. మంగళవారం జారీ చేసిన ఉత్తర్వుల ప్రకారం ఇప్పటి వరకు సమీకరణలో ఇవ్వని భూములను సేకరించడానికి సీఆర్‌డీఏకి అనుమతి కల్పించారు. గతంలో జారీ చేసిన 343.36 ఎకరాల నోటిఫికేషన్లు ఉపసంహరించబడి, పెండింగ్‌లో ఉన్న కోర్టు కేసుల పరిష్కారం కోసం చర్యలు తీసుకోవడానికి మార్గం ఏర్పడింది. రాజధానిలో ఇంకా సుమారు 2,800 ఎకరాల భూమి సమీకరణలో లేదు.
Details
ప్రాజెక్టుల అవసరాల మేరకు సేకరణ
ప్రభుత్వం ఒకేసారి మొత్తం భూమిని సేకరించకుండా, ప్రాజెక్టుల అవసరాల మేరకు సేకరణ చేపడతుందని పేర్కొంది. సీఆర్‌డీఏ కమిషనర్ అవసరమని చెప్పిన భూమి కోసం గుంటూరు జిల్లా కలెక్టర్ నోటిఫికేషన్ జారీ చేస్తారు. సేకరణ ప్రక్రియలో '2013 భూసేకరణ చట్టం' నిబంధనలను పాటిస్తారు. భూమి సమీకరణలో ఇవ్వకపోవడం కారణంగా మౌలిక వసతుల ప్రాజెక్టులు, వివిధ సంస్థలకు భూకేటాయింపులు, రైతులకు స్థల కేటాయింపుల వంటి కార్యకలాపాల్లో అంతరాయం ఏర్పడుతుందని ప్రభుత్వం తెలిపింది.