AP: రాష్ట్ర పర్యాటక విధానం 2024-29 అమలుకు గల మార్గదర్శకాలు
ఈ వార్తాకథనం ఏంటి
ఆంధ్రప్రదేశ్ ప్రభుత్వం బుధవారం రాష్ట్ర పర్యాటక విధానం 2024-29 అమలుకు సంబంధించిన మార్గదర్శకాలను అధికారికంగా ప్రకటించింది. ఇప్పటివరకు విధానాన్ని ప్రకటించడం మాత్రమే జరిగింది, కానీ రాయితీలు ఎలా ఉపయోగించాలో స్పష్టత ఇవ్వడం ఇదే మొదటిసారి. పర్యాటక రంగంలో పెట్టుబడులను సక్రమంగా, పారదర్శకంగా నిర్వహించడానికి ఈ మార్గదర్శకాలు కీలక మార్గనిర్దేశకంగా ఉంటాయి. మార్గదర్శకాల్లో పర్యాటక ప్రాజెక్టులను మొత్తం ఆరు వర్గాలుగా విభజించారు. అవి: సూక్ష్మ, చిన్న, మధ్య తరహా, భారీ, మెగా, అల్ట్రా మెగా ప్రాజెక్టులు. ఈ వర్గీకరణలో రూ. 1 కోట్ల నుంచి రూ. 500 కోట్ల పైగా పెట్టుబడులను దృష్టిలో పెట్టుకొని ఈ వర్గీకరణ చేసింది
వివరాలు
ఉద్యోగాలు తప్పనిసరిగా ఏపీ రాష్ట్రంలోనే..
ప్రస్తుతంగా ఉన్న పర్యాటక ప్రాజెక్టుల్లో కనీసం 25% స్థిర పెట్టుబడి, 20% సామర్థ్యం పెరుగుదల (capacity augmentation) జరిగితే,ఆ ప్రాజెక్టులను విస్తరణ ప్రాజెక్టులుగా గుర్తించి అందుకు ప్రోత్సాహకాలు (incentives) అందిస్తారు. అదేవిధంగా, ఒక ప్రాజెక్టులో కనీసం 25% కొత్త స్థిర పెట్టుబడి, 25% టర్నోవర్ (turnover) పెరుగుదల, 15% ఉద్యోగాల వృద్ధి జరిగితే, ఆ ప్రాజెక్టును వైవిధ్యమైన ప్రాజెక్టుగా పరిగణిస్తారు. ఈ ఉద్యోగాలు తప్పనిసరిగా ఏపీ రాష్ట్రంలోనే ఉండాలి.ఈ నెల 27న జరగనున్న ప్రపంచ పర్యాటక దినోత్సవం సందర్భంగా,సీఎం చంద్రబాబు నాయుడు మార్గదర్శకాలకు సంబంధించిన వివరణాత్మక పుస్తకాన్ని ప్రజలకు ఆవిష్కరించనున్నారు.
వివరాలు
పర్యాటక రంగంలో పెద్ద పెట్టుబడులను ఆకర్షించేందుకు కీలక నిర్ణయాలు
గత 15 నెలల్లో, రాష్ట్రంలో పర్యాటక రంగంలో పెద్ద పెట్టుబడులను ఆకర్షించేందుకు కూటమి ప్రభుత్వం అనేక కీలక నిర్ణయాలు తీసుకుంది. పర్యాటక విధానాన్ని ప్రకటించడమే కాకుండా, ఈ రంగానికి పారిశ్రామిక హోదాను కూడా కల్పించింది. తద్వారా పన్నులు, విద్యుత్ ధరలు, రిజిస్ట్రేషన్ ఫీజులు, స్టాంప్ డ్యూటీ వంటి రంగాల్లో భారీ రాయితీలను ప్రకటించింది. ఈ మార్గదర్శకాల్లో పర్యాటక రంగంలో పెట్టుబడిదారులు రాయితీలను ఎలా పొందవచ్చో, అందుకు అవసరమైన పత్రాలు, ఇతర సంబంధిత ప్రభుత్వ శాఖల నుంచి అనుమతులు పొందటానికి అనుసరించవలసిన ప్రక్రియ తదితర వివరాలు స్పష్టంగా పేర్కొన్నాయి. ఈ మార్గదర్శకాలు పర్యాటక రంగ అభివృద్ధికి ఒక దిశానిర్దేశక మార్గం అవ్వనుంది.