తదుపరి వార్తా కథనం
Kaleshwaram: కాళేశ్వరం కమిషన్‌ విచారణను జనవరి రెండో వారానికి వాయిదా
వ్రాసిన వారు
Sirish Praharaju
Nov 12, 2025
04:06 pm
ఈ వార్తాకథనం ఏంటి
హైకోర్టు కాళేశ్వరం కమిషన్‌పై జరుగుతున్న విచారణను జనవరి రెండో వారానికి వాయిదా వేసింది. ఈ సందర్భంగా ప్రభుత్వం తమ కౌంటర్ అఫిడవిట్‌ను దాఖలు చేయడానికి నాలుగు వారాల గడువు మంజూరు చేసింది. ప్రభుత్వ కౌంటర్‌కు ప్రతిస్పందించేందుకు పిటిషనర్లకు మరో మూడు వారాల సమయం ఇవ్వబడింది. కేసీఆర్, హరీశ్ రావు, స్మితా సబర్వాల్, ఎస్‌కే జోషి తదితరులకు కూడా హైకోర్టు మూడు వారాల గడువు ఇచ్చింది. అంతేకాక, అప్పటివరకు అమల్లో ఉన్న మధ్యంతర ఉత్తర్వులను పొడిగిస్తూ ఆదేశాలు జారీ చేసింది. కాళేశ్వరం కమిషన్‌ నివేదిక ఆధారంగా ఎలాంటి చర్యలు తీసుకోవద్దని హైకోర్టు గతంలో మధ్యంతర ఉత్తర్వులు ఇచ్చిన విషయం తెలిసిందే.