Rain Alert : తెలంగాణకు భారీ వర్ష సూచన.. ఆ జిల్లాలకు ఆరెంజ్ అలెర్ట్ జారీ
ఈ వార్తాకథనం ఏంటి
తెలంగాణలో వాతావరణ పరిస్థితులు మారుతున్నాయని భారత వాతావరణ శాఖ హెచ్చరించింది. వచ్చే నాలుగు రోజుల పాటు రాష్ట్రవ్యాప్తంగా వర్షాలు కురిసే అవకాశం ఉందని పేర్కొంది. కొన్ని జిల్లాల్లో మోస్తరు నుంచి భారీ వర్షాలు పడే సూచనల నేపథ్యంలో అధికారులు అప్రమత్తమయ్యారు. ఉమ్మడి ఆదిలాబాద్, నిజామాబాద్, కరీంనగర్, వరంగల్, ఖమ్మం, నల్గొండ జిల్లాల్లో వర్షాల తీవ్రత అధికంగా ఉండే అవకాశం ఉన్నందున అక్కడ ఆరెంజ్ అలర్ట్‌ జారీ చేశారు. ఈ ప్రాంతాల్లో నివసించే ప్రజలు అత్యవసరమైతే తప్ప ఇంటి బయటకు రావొద్దని అధికారుల సూచనలున్నాయి. ఇదిలా ఉంటే, హైదరాబాద్, రంగారెడ్డి, మహబూబ్ నగర్ జిల్లాల్లో మాత్రం తేలికపాటి వర్షాలు కురిసే అవకాశం ఉందని వాతావరణ శాఖ అంచనా వేసింది.
Details
ఆంధ్రప్రదేశ్ లో వడగాలుల ప్రభావం
వర్షాల కారణంగా ఉష్ణోగ్రతలు కొద్దిగా తగ్గే అవకాశమున్నా ఉక్కపోత వాతావరణం కొనసాగవచ్చని వెల్లడించింది. మరోవైపు ఆంధ్రప్రదేశ్‌లో వడగాలుల ప్రభావం కన్పించనుంది. రాష్ట్రవ్యాప్తంగా 144 ప్రాంతాల్లో ఉష్ణోగ్రతలు 40 డిగ్రీల కంటే అధికంగా నమోదయ్యే అవకాశం ఉందని తెలిపారు. ముఖ్యంగా ఇవాళ రాష్ట్రంలోని 70 మండలాల్లో వడగాలులు వీచే అవకాశం ఉన్న నేపథ్యంలో అక్కడి ప్రజలు జాగ్రత్తలు తీసుకోవాలని అధికారులు సూచిస్తున్నారు. ఇలాంటి వాతావరణ పరిస్థితుల్లో ప్రజలు అప్రమత్తంగా ఉండటం అత్యవసరం.