Drug Party :ఫామ్హౌస్లో డ్రగ్స్ పార్టీ.. బీఆర్ఎస్ మాజీ ఎమ్మెల్యే,టీడీపీ ఎంపీ సహా ఆరుగురికి పాజిటివ్..
ఈ వార్తాకథనం ఏంటి
రంగారెడ్డి జిల్లా మొయినాబాద్లో జరిగిన డ్రగ్స్ పార్టీ ఘటన తీవ్ర కలకలం రేపింది. బీఆర్ఎస్ మాజీ ఎమ్మెల్యే పైలెట్ రోహిత్ రెడ్డి ఫామ్హౌస్లో మద్యం, డ్రగ్స్ పార్టీ జరుగుతోందన్న సమాచారం అందడంతో ఈగల్ టీమ్, ఎస్వోటీ, స్థానిక పోలీసులు శనివారం రాత్రి సంయుక్తంగా దాడులు చేపట్టారు. ఈ దాడుల సమయంలో ఢిల్లీకి చెందిన రియల్ ఎస్టేట్ వ్యాపారి నమీద్ మిశ్రా కాల్పులు జరపడం మరింత సంచలనం సృష్టించింది. ఈ పార్టీలో మాజీ ఎమ్మెల్యే రోహిత్ రెడ్డి, ఏపీ ఏలూరు టీడీపీ ఎంపీ పుట్టా మహేశ్ కుమార్ యాదవ్తో పాటు పలువురు ప్రముఖులు పాల్గొన్నట్లు గుర్తించారు. ఈ కేసుకు సంబంధించిన వివరాలను చేవెళ్ల డీసీపీ యోగేష్ గౌతమ్ మీడియాకు వెల్లడించారు.
వివరాలు
అజీజ్నగర్ ప్రాంతంలోని ఫామ్హౌస్లో పార్టీ
మొయినాబాద్ మండలం అజీజ్నగర్ ప్రాంతంలోని బీఎంఆర్ ఫామ్హౌస్లో పార్టీ జరుగుతోందన్న పక్కా సమాచారంతో పోలీసులు శనివారం రాత్రి సుమారు 9.30 గంటల సమయంలో అక్కడికి చేరుకుని తనిఖీలు నిర్వహించారు. ఈ సమయంలో నమీద్ మిశ్రా కాల్పులకు దిగినట్లు పోలీసులు వెల్లడించారు. అతను ఉపయోగించిన తుపాకీ మాజీ ఎమ్మెల్యే రోహిత్ రెడ్డి సోదరుడు రితేష్ రెడ్డికి చెందినదిగా గుర్తించారు. ఫామ్హౌస్లో జరిగిన ఈ పార్టీలో పైలెట్ రోహిత్ రెడ్డి, ఎంపీ పుట్టా మహేశ్ కుమార్ యాదవ్, నమీద్ మిశ్రా, ఎం. రమేష్, శ్రవణ్ కుమార్, విజయ్ కృష్ణ, రితేష్ రెడ్డి, కాసిక్ రవి, అర్జున్ రెడ్డి, అలాగే ఓ మహిళ ఉన్నట్లు పోలీసులు గుర్తించారు.
వివరాలు
రెండు గ్రాముల వైట్ పౌడర్ స్వాధీనం
దాడుల సమయంలో అక్కడి నుంచి రెండు గ్రాముల వైట్ పౌడర్ను స్వాధీనం చేసుకున్నారు. అక్కడ ఉన్నవారికి డ్రగ్ టెస్ట్ కిట్తో పరీక్షలు నిర్వహించగా రోహిత్ రెడ్డి, నమీద్ మిశ్రా, రితేష్ రెడ్డి, కాసిక్ రవి, అర్జున్ రెడ్డిలకు పాజిటివ్ వచ్చినట్లు అధికారులు తెలిపారు. తుది నిర్ధారణ కోసం వారి రక్త నమూనాలను ఆస్పత్రికి పంపించారు. మాజీ ఎమ్మెల్యేకు చెందిన ఫామ్హౌస్లో ఈ ఘటన వెలుగులోకి రావడం, గతంలో కూడా ఇదే ప్రాంగణంలో పెద్ద కేసు నమోదై ఉండటం వల్ల ఈ వ్యవహారం రాష్ట్రవ్యాప్తంగా చర్చనీయాంశమైంది. ఈ కేసులో ప్రత్యక్షంగా పాల్గొన్నవారు ఎవరు, పరోక్షంగా సంబంధం ఉన్నవారు ఎవరన్న దిశగా కూడా పోలీసులు లోతుగా దర్యాప్తు కొనసాగిస్తున్నట్లు సమాచారం.
వివరాలు
రాష్ట్రంలో డ్రగ్స్ వినియోగంపై ఆందోళన
తెలంగాణ కాంగ్రెస్ అధ్యక్షుడు బొమ్మ మహేష్కుమార్ గౌడ్ ఈ అంశాన్ని అత్యంత తీవ్రమైనదిగా అభివర్ణిస్తూ, రాష్ట్రంలో డ్రగ్స్ వినియోగంపై ఆందోళన వ్యక్తం చేశారు. "చాలా మంది యువత డ్రగ్స్కు అలవాటు పడిపోయారు. కేటీఆర్పైనా అనుమానాలు ఉన్నాయి. అప్పటి పీసీసీ అధ్యక్షుడు, ప్రస్తుత ముఖ్యమంత్రి రేవంత్ రెడ్డి డ్రగ్స్ టెస్ట్కు రావాలని సవాల్ చేశారు. కానీ కేటీఆర్ రాలేకపోయారు. ఇప్పుడు మొత్తం కేటీఆర్ బ్యాచ్ డ్రగ్స్కు అలవాటు పడిందనే తీవ్రమైన అనుమానాలు ఉన్నాయి. కేటీఆర్ వెంటనే టెస్ట్కు రావాలని నేను డిమాండ్ చేస్తున్నాను. రేపు అసెంబ్లీ సమావేశాలు ఉన్నాయి. అసెంబ్లీలో మనమంతా కలిసి టెస్ట్ చేయించుకుందాం. మేము మా నిర్దోషిత్వాన్ని నిరూపిస్తాం" అని గౌడ్ వ్యాఖ్యానించినట్లు ఏఎన్ఐ పేర్కొంది.