TVK Vijay: 'విజయ్ అనే నేను'.. సీఎంగా ప్రమాణ స్వీకారానికి సిద్ధమైన టీవీకే చీఫ్
ఈ వార్తాకథనం ఏంటి
ఉత్కంఠకు ఎట్టకేలకు తెరపడింది. తమిళనాడు రాజకీయాల్లో నెలకొన్న తీవ్రమైన సస్పెన్స్కి ముగింపు పలుకుతూ ప్రభుత్వాన్ని ఏర్పాటు చేసేందుకు గవర్నర్ రాజేంద్ర అర్లేకర్ రాజేంద్ర అర్లేకర్ టీవీకే చీఫ్ విజయ్ను ఆహ్వానించారు. దీంతో ముఖ్యమంత్రిగా విజయ్ ప్రమాణ స్వీకారం చేయనున్నారు. ప్రమాణ స్వీకార కార్యక్రమం ఎప్పుడు జరుగుతుందన్న దానిపై ఇంకా స్పష్టత రాలేదు. రేపు మధ్యాహ్నం 3 గంటలకు తమిళనాడు ముఖ్యమంత్రిగా విజయ్ ప్రమాణ స్వీకారం చేయనున్నారని, చెన్నైలోని నెహ్రూ ఇండోర్ స్టేడియంలో కార్యక్రమం నిర్వహించనున్నారని సమాచారం. కొన్ని రోజులుగా తమిళ రాజకీయాల్లో కొనసాగిన నరాలు తెగే ఉత్కంఠకు ఇప్పుడు తెరపడినట్టే కనిపిస్తోంది. అసెంబ్లీ ఎన్నికల్లో అత్యధిక స్థానాలు గెలుచుకుని సింగిల్ లార్జెస్ట్ పార్టీగా నిలిచిన టీవీకే పార్టీ చివరికి ప్రభుత్వాన్ని ఏర్పాటు చేయబోతోంది.
వివరాలు
ప్రభుత్వ ఏర్పాటుకు కాంగ్రెస్, సీపీఎం, సీపీఐ, వీసీకే, ఐయుఎంఎల్ మద్దతు
ఇక ముందు రోజు రాజకీయ పరిణామాలు మరింత ట్విస్ట్లతో కొనసాగాయి. తొలుత విజయ్కు గవర్నర్ అపాయింట్మెంట్ ఇవ్వకపోవడంతో ఆయన లోక్ భవన్ నుంచి నిరాశతో వెనుదిరిగారు. ఆ తర్వాత కొద్ది గంటల్లోనే గవర్నర్ తన నిర్ణయాన్ని మార్చుకుని కేరళ పర్యటనను రద్దు చేసుకుని విజయ్కు అపాయింట్మెంట్ ఇచ్చారు. అనంతరం విజయ్ లోక్ భవన్కు వెళ్లి గవర్నర్ను కలిశారు. పార్టీల మద్దతు లేఖలను సమర్పించడంతో ప్రభుత్వాన్ని ఏర్పాటు చేయడానికి గవర్నర్ ఆహ్వానం అందించారు. ఈ ప్రభుత్వ ఏర్పాటుకు కాంగ్రెస్, సీపీఎం, సీపీఐ, వీసీకే, ఐయుఎంఎల్ పార్టీలు టీవీకేకు మద్దతు ప్రకటించాయి.
వివరాలు
మద్దతు ఇచ్చిన ఎమ్మెల్యేల వివరాలు ఇలా ఉన్నాయి:
టీవీకే - 107 కాంగ్రెస్ - 5 సీపీఎం - 2 సీపీఐ - 2 వీసీకే - 2 ఐయుఎంఎల్ - 2 మొత్తంగా టీవీకే బలం 120కి చేరింది. ప్రభుత్వాన్ని ఏర్పాటు చేయడానికి అవసరమైన మ్యాజిక్ ఫిగర్ 118 కాగా, టీవీకే దాన్ని దాటి అదనంగా రెండు సీట్లు సాధించడం గమనార్హం. ఇక విజయ్కు 107 మంది ఎమ్మెల్యేలతో టీవీకే పార్టీ స్వయంగా బలంగా ఉండగా, మిత్రపక్షాల మద్దతుతో ప్రభుత్వ ఏర్పాటుకు మార్గం సుగమమైంది.