Imd Forecast: తెలుగు రాష్ట్రాల్లోని ఈ జిల్లాల వారికి అలర్ట్.. మోస్తరు నుండి తేలికపాటి వర్షాలు
ఈ వార్తాకథనం ఏంటి
వాతావరణ శాఖ తాజా సమాచారం ప్రకారం, నైరుతి బంగాళాఖాతం నుంచి ఉత్తర కేరళ ప్రాంతాల వరకు ఒక ద్రోణి కొనసాగుతోంది. ఈ పరిస్థితి ప్రభావంతో ఆంధ్రప్రదేశ్, తెలంగాణ రాష్ట్రాల్లోని అనేక ప్రాంతాల్లో వర్షాలు కురిసే అవకాశం ఉందని తెలిపింది. ఈ రోజు ఆంధ్రప్రదేశ్‌లోని కృష్ణా, ప్రకాశం, నెల్లూరు, అనంతపురం, శ్రీ సత్యసాయి, కడప, అన్నమయ్య, చిత్తూరు, తిరుపతి జిల్లాల్లో మోస్తరు స్థాయి వర్షాలు నమోదవనున్నాయని పేర్కొంది. కొన్ని చోట్ల ఉరుములు-మెరుపులతో కూడిన వర్షాలు కూడా వచ్చే అవకాశం ఉందని హెచ్చరించింది.
వివరాలు
ఈ ప్రాంతాల్లో తేలికపాటి వర్షాలు
అలాగే క్యుములోనింబస్‌ మేఘాల ప్రభావంతో తెలంగాణలోనూ కొన్ని ప్రాంతాల్లో తేలికపాటి వర్షాలు పడతాయని తెలిపింది. ముఖ్యంగా ఆదిలాబాద్, నిర్మల్, మహబూబ్‌నగర్, నారాయణపేట, నల్గొండ, నిజామాబాద్, వనపర్తి, గద్వాల, రంగారెడ్డి, హైదరాబాద్, మేడ్చల్‌-మల్కాజ్‌గిరి, వికారాబాద్ జిల్లాల్లో వర్షాలు పడే అవకాశం ఉందని వాతావరణ శాఖ పేర్కొంది.