PM Modi: యువత పట్టుదలే పరిశోధనలో భారత్‌ విజయాలకు కారణం : మోదీ
ఈ వార్తాకథనం ఏంటి
పరిశోధన, విజ్ఞాన శాస్త్ర రంగాల్లో భారత్‌ వేగంగా ఎదుగుతోందని ప్రధానమంత్రి నరేంద్ర మోదీ (PM Narendra Modi) స్పష్టం చేశారు. ప్రపంచ స్థాయిలో ఏదైనా సాధించే సామర్థ్యం భారతదేశానికి ఉందని ఆయన పేర్కొన్నారు. మన్‌ కీ బాత్‌ (Mann Ki Baat) 128వ ఎపిసోడ్‌లో ప్రసంగించిన ప్రధాని, దేశ యువత అసమాన శక్తి, అద్భుత సంకల్పంతో దేశాన్ని అభివృద్ధి దిశగా నడిపిస్తున్నారని ప్రశంసించారు. 11 ఏళ్లలో విజ్ఞానం, క్రీడలు, సామాజిక సేవ, సంస్కృతి తదితర రంగాల్లో యువత అత్యుత్తమ ప్రతిభ చాటిందని గుర్తుచేశారు. భారత్‌ కష్టతరమైన సవాళ్లను కూడా అధిగమించగలదని రుజువవుతోందని ప్రధాని పేర్కొన్నారు.
Details
యువత పట్టుదలకు నిదర్శనం
మహిళల అంధుల క్రికెట్‌ జట్టు ప్రపంచకప్‌ను గెలిచిన విజయాన్ని ప్రధానంగా ప్రస్తావిస్తూ, అది దేశ యువత యొక్క ఆత్మవిశ్వాసం, పట్టుదలకు నిదర్శనమని అన్నారు. స్టార్టప్‌ ఇండియా, స్కిల్‌ ఇండియా, డిజిటల్‌ ఇండియా వంటి సంస్కరణలు భారత యువతను వికసిత్‌ భారత్‌ (Viksit Bharat) లక్ష్య సాధన వైపు నడిపిస్తున్నాయని మోదీ విశ్వాసం వ్యక్తం చేశారు. కొందిరోజుల క్రితం సోషల్‌ మీడియాలో తన దృష్టిని ఆకర్షించిన ఒక వీడియోను ముఖ్యంగా ప్రస్తావించిన ఆయన, అంగారక గ్రహంలోని వాతావరణ పరిస్థితులను కృత్రిమంగా సృష్టించిన పరిసరాల్లో డ్రోన్లను పరీక్షించడానికి భారత యువత ప్రయత్నించిందని వెల్లడించారు.
Details
యువత సంకల్పమే దేశానికి బలం
జీపీఎస్‌ సహకారం లేకపోవడంతో డ్రోన్లు పలుమార్లు వైఫల్యానికి గురైనప్పటికీ, పుణెకు చెందిన విద్యార్థుల బృందం పదేపదే ప్రయత్నించి, డ్రోన్లు కొంతసేపు ఎగరేలా చేయడంలో విజయవంతమైందని తెలిపారు. యువతలో ఉన్న ఈ పట్టుదల, సంకల్ప బలం దేశాన్ని వికసిత్‌ భారత్‌గా తీర్చిదిద్దడంలో కీలకమని ప్రధానమంత్రి అన్నారు.