Deportation: మాదకద్రవ్యాల అక్రమ రవాణాలో పాల్గొన్న 16,000 మంది విదేశీయులను బహిష్కరించనున్న కేంద్రం..!
ఈ వార్తాకథనం ఏంటి
దేశంలో నూతనంగా అమలైన వలస చట్టాల ప్రకారం, కేంద్ర ప్రభుత్వం సుమారు 16,000 మంది విదేశీయులను (Foreigners) బహిష్కరించేందుకు (Deportation) చర్యలు చేపడుతున్నట్లు అధికార వర్గాలు వెల్లడించాయి. ఈ చర్య ముఖ్యంగా నార్కోటిక్స్ రవాణా (Narcotics Trafficking) ఇతర క్రిమినల్ చర్యలతో సంబంధం ఉన్న విదేశీయులపై కేంద్రీయ నార్కోటిక్స్ కంట్రోల్ బ్యూరో (NCB) దృష్టి పెట్టి తీసుకున్నట్లు సమాచారం. దేశంలోని వివిధ ప్రాంతాలలో వీరి గుర్తింపు తర్వాత, NCB ఆధ్వర్యంలో అదుపులోకి తీసుకుని ఉండగా, ఈ నిర్బంధ కేంద్రాల్లో ప్రస్తుతం ఉన్న అన్ని విదేశీయులను దేశం నుంచి బహిష్కరించేందుకు హోం వ్యవహారాల మంత్రిత్వశాఖ (MHA) ప్రత్యేక ప్రణాళికలు రూపొందిస్తున్నట్లు పలు జాతీయ మీడియా సంస్థలు వెల్లడించాయి.
వివరాలు
నాలుగు పాత చట్టాల రద్దు..
ఫోర్జరీ పత్రాలను ఉపయోగించి దేశంలో అక్రమంగా నివాసముంటున్న విదేశీయులకు (Illegal Immigrants) కఠిన శిక్షలను విధించే కొత్త చట్టం సెప్టెంబర్ 2న అధికారికంగా అమలులోకి వచ్చింది. వలసలు, విదేశీయుల చట్టం-2025గా పేరున్న ఈ చట్టాన్ని పార్లమెంట్ బడ్జెట్ సమావేశాల్లో ఆమోదించిన తరువాత ఏప్రిల్ 4న రాష్ట్రపతి అనుమతితో ముద్ర విస్తరించారు. నాలుగు పాత చట్టాలను రద్దు చేసి, వాటి స్థానంలో ఈ చట్టాన్ని ప్రవేశపెట్టారు. ఈ చట్టం ప్రకారం తప్పుడు ధ్రువీకరణ పత్రాలను ఉపయోగించి దేశంలోకి ప్రవేశించిన విదేశీయులకు కనిష్టంగా రెండు సంవత్సరాల నుంచి గరిష్టంగా ఏడు సంవత్సరాల జైలు శిక్ష విధిస్తారు. అలాగే, రూ.1 లక్ష నుంచి రూ.10 లక్షల వరకు జరిమానా విధించే అవకాశాన్ని కూడా చట్టంలో కలిపారు.
వివరాలు
పేదరికంలో కోట్లాది మంది..
ప్రపంచంలో నాలుగో అతిపెద్ద ఆర్థిక వ్యవస్థగా అభివృద్ధి చెందుతున్న భారత్‌లో ఇప్పటికి పేదరికంలో మగ్గుతున్నవారు కోట్లాది మంది ఉన్నారు. పేదరికాన్ని అంతం చేయడానికి ప్రభుత్వాలు రూ.కోట్ల నిధులతో సంక్షేమ పథకాలు అమలుచేస్తున్నా పరిస్థితి ఎక్కడ వేసిన గొంగళి అక్కడే అన్నట్టుగా ఉంది. అయితే ఈ సమస్యను పరిష్కరించడంలో అక్రమ వలసలు ప్రధాన అడ్డుకట్టగా నిలిచాయి.
వివరాలు
వలసలు, విదేశీయుల చట్టం-2025 ను ప్రవేశపెట్టిన కేంద్ర ప్రభుత్వం
భారతీయ సరిహద్దు దేశాల నుండి అక్రమంగా దేశంలోకి ప్రవేశించిన విదేశీయులు చట్టవిరుద్ధంగా ఉండటమే కాక, అసలైన లబ్ధిదారులకు అందాల్సిన సంక్షేమ పథకాలను కూడా పొందుతూ ప్రభుత్వ నిధులను దోచుకుంటున్నారు. ఈ నేపథ్యంలో కేంద్ర ప్రభుత్వం 'వలసలు, విదేశీయుల చట్టం-2025' ను ప్రవేశపెట్టింది. ఈ చట్టం ద్వారా ఫోర్జరీ పత్రాలతో అక్రమంగా దేశంలో ఉన్న విదేశీయులను గుర్తించి, వారిని దేశం నుండి బహిష్కరించడానికి చర్యలు తీసుకుంటోంది.