India: సింధు జలాల వివాదం.. ఐరాస సమావేశంలో పాక్కు గట్టిగా బుద్ధి చెప్పిన భారత్
ఈ వార్తాకథనం ఏంటి
అంతర్జాతీయ వేదికపై భారత్‌పై నిందలు వేయాలని ప్రయత్నించిన పాకిస్థాన్‌కు మళ్లీ ఎదురుదెబ్బ తగిలింది. ఐక్యరాజ్య సమితి (UN) మానవహక్కుల మండలిలో సింధు జలాల అంశాన్ని ప్రస్తావించిన పాక్కు భారత్ గట్టి బుద్ధి చెప్పింది. జెనీవాలో జరిగిన ఐరాస (UNHRC) మానవహక్కుల మండలి సమావేశంలో పాక్ దౌత్యవేత్త అబ్బాస్‌ సర్వస్‌ భారత జల వనరులను ఆయుధంగా ఉపయోగిస్తున్నట్లు ఆరోపించారు. భారత దౌత్యవేత్త అనుపమ సింగ్‌ స్పష్టమైన, గట్టి బదులు ఇచ్చారు. పాక్ ప్రతినిధి బృందం కౌన్సిల్‌ కార్యకలాపాలను రాజకీయంగా మార్చడానికి ఉద్దేశపూర్వకంగా, నిరంతరం ప్రయత్నిస్తున్నారని గుర్తించారు.
Details
ఉద్దేశపూర్వకంగా ఉల్లంఘనలను దాటుతోంది
ఇలాంటి చర్యలు వేదిక సమగ్రతను దెబ్బతీస్తున్నాయని పేర్కొన్నారు. 1960లో సోదరభావం, స్నేహపూర్వక సంబంధాల పునాదిపైన సింధు జలాల ఒప్పందం (Indus Waters Treaty) కుదిరిందని అనుపమ తెలిపారు. కానీ ప్రస్తుతం పాక్ సీమాంతర ఉగ్రవాదాన్ని ప్రోత్సహిస్తూ, ఉద్దేశపూర్వకంగా ఒప్పందాన్ని ఉల్లంఘిస్తున్నదని హెచ్చరించారు. కౌన్సిల్‌ సమావేశం ఉద్దేశాల నుంచి దృష్టిని మళ్లించేందుకు పాక్ ఇలాంటి అంశాలను ఎత్తుకొస్తున్నదని, ఉగ్రవాదాన్ని ప్రోత్సహించే దేశం ఒప్పందాల గురించి ఉపన్యాసాలు ఇవ్వడం హాస్యాస్పదం అని పేర్కొన్నారు.