స్మార్ట్‌ఫోన్ కొంటే, 2కిలోల టమాటాలు ఉచితం; ఆ మొబైల్ షాప్ ఎక్కడ ఉందంటే!
నిత్యావసర కూరగాయ అయిన టమాట ధరలు ఎలా మండుతున్నాయే ప్రత్యేకంగా చెప్పనక్కలేదు. కిలో రేటు రూ. 160 పలుకుతోంది. టమాటాలను ప్రస్తుతం సామాన్యులు కొనలేదని పరిస్థితి. అయితే పెరిగిన టమాట ధరలను ఆసరా చేసుకొని కస్టమర్లను ఆకర్షించేందుకు ఒక మొబైల్ షాపు యజమాని వింత ఆఫర్ పెట్టాడు. మధ్యప్రదేశ్‌లోని అశోక్‌నగర్‌కు చెందిన మొబైల్ షాపు యజమాని అభిషేక్ అగర్వాల్ తన దుకాణంలో స్మార్ట్‌ ఫోన్ కొనుగోలు చేస్తే, రెండు కిలోల టమోటాలను ఉచితంగా అందిస్తున్నాడు. విచిత్రం ఏంటంటే ఈ ఆఫర్ పెట్టిన తర్వాత తన షాపులో స్మార్ట్‌ఫోన్ విక్రయాలు పెరిగినట్లు చెబుతున్నాడు అభిషేక్ అగర్వాల్. తాను పెట్టిన ఆఫర్ చాలా మందికి నచ్చినట్లు ఆయన పేర్కొన్నారు.
