JEE-Advanced results: JEE-అడ్వాన్స్డ్ ఫలితాలు విడుదల.. అగ్రస్థానంలో ఢిల్లీ జోన్కు చెందిన వేద్ లహోటి
ఇండియన్ ఇన్స్టిట్యూట్ ఆఫ్ టెక్నాలజీ (ఐఐటీ) మద్రాస్ జాయింట్ ఎంట్రన్స్ ఎగ్జామినేషన్ (జేఈఈ) అడ్వాన్స్డ్ 2024 ఫలితాలను ప్రకటించింది. ఐఐటీ ఢిల్లీ జోన్కు చెందిన వేద్ లహోటీ కామన్ ర్యాంక్ లిస్ట్ (సీఆర్ఎల్)లో టాప్ ర్యాంకర్. అతను 360 మార్కులకు 355 సాధించాడు. ఐఐటీ ఢిల్లీ జోన్కు చెందిన ఆదిత్య రెండో టాప్ స్కోరర్గా నిలిచాడు. 338 మార్కులతో భోగలపల్లి సందేశ్ (ఐఐటీ మద్రాస్ జోన్) 3వ ర్యాంక్ సాధించాడు. మహిళా అభ్యర్థి ద్విజా ధర్మేష్కుమార్ పటేల్ (ఐఐటీ బాంబే జోన్) 332 మార్కులు సాధించారు.
JEE-అడ్వాన్స్డ్ 2024: 48,000 మంది అభ్యర్థులు అర్హత సాధించారు
JEE అడ్వాన్స్డ్ పరీక్షకు మొత్తం 186,584 మంది అభ్యర్థులు నమోదు చేసుకొన్నారు. రెండు పేపర్లలో 1,80,200 మంది హాజరయ్యారు. వీరిలో 40,284 మంది పురుషులు, 7,964 మంది మహిళలు పరీక్షకు అర్హత సాధించారు. దీంతో మొత్తం విజయవంతమైన అభ్యర్థుల సంఖ్య 48,248కి చేరుకుంది. మే 26న రెండు వేర్వేరు పేపర్లతో వేర్వేరు సమయాల్లో పరీక్ష జరిగింది.
చెక్ లిస్ట్
JEE-అడ్వాన్స్డ్ 2024: ఫలితాలను ఆన్లైన్లో ఎలా యాక్సెస్ చేయాలి
అభ్యర్థులు తమ ఫలితాలను jeeadv.ac.inలో అధికారిక JEE అడ్వాన్స్డ్ వెబ్సైట్లో చూడవచ్చు. వారి స్కోర్కార్డ్ని యాక్సెస్ చేయడానికి, వారు "JEE అడ్వాన్స్డ్ 2024 స్కోర్కార్డ్ డౌన్లోడ్ లింక్"పై క్లిక్ చేసి, సంబంధిత ఫీల్డ్లలో వారి రిజిస్ట్రేషన్ నంబర్, పుట్టిన తేదీ , ఫోన్ నంబర్ను నమోదు చేయాలి. ఫలితాలు విడుదల చేయడానికి ముందు, అభ్యర్థులు ఏవైనా అభ్యంతరాలు ఉంటే తెలియజేయాలని ఐఐటీ మద్రాస్ మే 31న ఆన్సర్ కీని ప్రచురించింది.
JEE-అడ్వాన్స్డ్ 2024: కౌన్సెలింగ్ , అడ్మిషన్ల ప్రక్రియ
ఫలితాల ప్రకటన తర్వాత, జాయింట్ సీట్ అలోకేషన్ అథారిటీ (JoSAA) జూన్ 10 నుండి JEE అడ్వాన్స్డ్ ర్యాంకుల ఆధారంగా అడ్మిషన్ల కోసం కౌన్సెలింగ్ను ప్రారంభించనుంది. ఈ కేంద్రీకృత ప్రక్రియ IITలు, NITలు ,ఇతర ప్రీమియర్ ఇంజనీరింగ్ ఇన్స్టిట్యూట్లలో ప్రవేశాల కోసం ఉపయోగించనున్నారు. అర్హత కలిగిన విద్యార్థులు josaa.nic.inలో కౌన్సెలింగ్ కోసం నమోదు చేసుకోవచ్చు. అదనంగా, జూన్ 10 గడువుతో ఎంపిక చేసిన IITలలో ఆర్కిటెక్చర్ ప్రోగ్రామ్లపై ఆసక్తి ఉన్న వారి కోసం ఆర్కిటెక్చర్ ఆప్టిట్యూడ్ టెస్ట్ (AAT) కోసం రిజిస్ట్రేషన్ ప్రారంభించారు.