Hyderabad: కేపీహెచ్‌బీ కలకలం.. భర్తను హత్య చేసి, శవాన్ని పూడ్చిపెట్టిన భార్య
ఈ వార్తాకథనం ఏంటి
హైదరాబాద్‌ కేపీహెచ్‌బీ కాలనీలో దారుణ ఘటన వెలుగు చూసింది.
తన భర్తను కరెంట్‌ షాక్‌తో చంపి, మృతదేహాన్ని పూడ్చిపెట్టిన అనంతరం, తనకేమీ తెలియనట్లుగా సొంతూరుకు వెళ్లిపోయిన భార్య కవితపై పోలీసులు కేసు నమోదు చేశారు.
పోలీసుల కథనం ప్రకారం - కేపీహెచ్‌బీ కాలనీలో నివాసం ఉంటున్న సాయిలు, కవిత దంపతులు గత 15 ఏళ్లుగా అనారోగ్యంతో బాధపడుతున్నారు.
కొంతకాలంగా వీరిద్దరూ వేర్వేరుగా జీవించేవారు. అంతేకాకుండా, ఇద్దరికీ వివాహేతర సంబంధాలు ఉన్నట్లు తెలుస్తోంది.
ఇటీవల కవిత తన సొంతూరుకు వెళ్లి, భర్త సాయిలు పనికి వెళ్లిన తర్వాత తిరిగి రాలేదని అక్కడివారితో చెప్పింది.
Details
పూర్తి స్థాయిలో దర్యాప్తు చేస్తున్న పోలీసులు
అయితే, ఈ ప్రకటనపై అనుమానం వచ్చిన సాయిలు బంధువులు పోలీసులకు ఫిర్యాదు చేయడంతో కేసు వెలుగులోకి వచ్చింది.
పోలీసులు కేసు నమోదు చేసి దర్యాప్తు చేపట్టగా, ఈ హత్యకు భార్య కవితే కారణమని వెల్లడైంది. ప్రాథమిక విచారణలో ఈ నెల 18న భర్త తరచూ వేధింపులకు గురి చేస్తున్నాడన్న కోపంతో కవిత సాయిలును కరెంట్‌ షాక్‌తో చంపినట్లు అధికారులు గుర్తించారు.
అనంతరం మృతదేహాన్ని పూడ్చిపెట్టిందని, దీని కోసం ఆమె తన చెల్లెలి భర్త సహాయాన్ని తీసుకున్నట్లు సమాచారం.
ప్రస్తుతం నిందితురాలిని పోలీసులు అదుపులోకి తీసుకొని ముమ్మరంగా విచారిస్తున్నారు. ఈ ఘటనపై పూర్తి స్థాయిలో దర్యాప్తు కొనసాగుతోంది.