హేమమాలినితో డ్యాన్స్ చేయించామన్న హోంమంత్రి.. రాష్ట్రంలో రేగిన రాజకీయ దుమారం
ఈ వార్తాకథనం ఏంటి
ప్రఖ్యాత నటీమణి, బీజేపీ నేత హేమమాలినిపై మధ్యప్రదేశ్ హోంమంత్రి నరోత్తమ్ మిశ్రా వివాదాస్పద వ్యాఖ్యలు చేశారు.
మధ్యప్రదేశ్ అసెంబ్లీ ఎన్నికల ప్రచారంలో భాగంగా బీజేపీ సీనియర్ నేత, హోంమంత్రి, నరోత్తమ్ మిశ్రా చేసిన వ్యాఖ్యలు రాజకీయ దుమారం రేపాయి.
మరోవైపు సొంత పార్టీ ఎంపీనే కించపరిచాడంటూ ప్రతిపక్ష కాంగ్రెస్ ఎద్దేవా చేసింది. బీజేపీ నేతల వ్యవహారం ఇలాగే ఉంటుందంటూ చురకలు అంటించింది.
దాతియా నియోజకవర్గం నుంచి వరుసగా మూడుసార్లు గెలిచిన మిశ్రా, నాలుగోసారి బరిలోకి దిగేందుకు సిద్ధమయ్యారు.
రాష్ట్రంలో బీజేపీ సర్కారు హయాంలో దాతియా నియోజకవర్గంలో అభివృద్ధిని పరుగులు పెట్టించామని వివరించారు.
details
నరోత్తమ్ మిశ్రాపై ఆగ్రహం వ్యక్తం చేసిన కాంగ్రెస్, జేడీయూ
ఇందులో భాగంగానే పలు సాంస్కృతిక కార్యక్రమాలు ఘనంగా నిర్వహించామన్నారు.
అంతేకాదు ఏకంగా హేమమాలినితోనే డ్యాన్స్ చేయించామని చెప్పుకొచ్చారు. దీంతో వేదికపై ఉన్న వారితో పాటు సభకు హాజరైన ప్రజలు గొల్లున నవ్వారు.
హోంశాఖ మంత్రి మాటలకు ప్రతిపక్షాలు విమర్శలు గుప్పిస్తున్నాయి. ఓ మహిళా నాయకురాలిని, పార్లమెంట్ సభ్యురాలిని, అందున తమ పార్టీకే చెందిన వ్యక్తిపై కించపరిచేలా వ్యాఖ్యలు చేశారని మండిపడ్డారు.
ప్రతిపక్ష నేతలపైనే కాదు అవసరమైతే సొంత పార్టీకి చెందిన మహిళా నేతలనూ భారతీయ జనతా పార్టీ నాయకత్వం కించపరుస్తుందన్నారు.
మిశ్రా వ్యాఖ్యలపై స్పందించిన జనతాదళ్ (యునైటెడ్) ఎంపీ హేమమాలినిపై అవమానకర వ్యాఖ్యలుగా అభివర్ణించింది.