తదుపరి వార్తా కథనం
Coal Mine: మధ్యప్రదేశ్‌లో బొగ్గు గనిలో కూలిన పైకప్పు.. ముగ్గురు మృతి
వ్రాసిన వారు
Sirish Praharaju
Mar 06, 2025
08:55 pm
ఈ వార్తాకథనం ఏంటి
ఓ బొగ్గు గనిలో అకస్మాత్తుగా పైకప్పు కూలిపోయింది. ఈ ఘటనలో గనిలో పనిచేస్తున్న కార్మికుల్లో ముగ్గురు వ్యక్తులు ప్రాణాలు కోల్పోయారు.
ఈ దురదృష్టకర సంఘటన మధ్యప్రదేశ్‌లోని బేతుల్ జిల్లాలో జరిగింది. సమాచారం అందిన వెంటనే రెస్క్యూ బృందాలు, SDRF, పోలీసు అధికారులు ఘటనా స్థలానికి చేరుకుని సహాయ చర్యలను ప్రారంభించారు.
వివరాలు
అకస్మాత్తుగా పైకప్పు కూలిపోవడంతో..
ప్రమాదం జరిగిన సమయంలో గనిలో మరికొందరు చిక్కుకున్నట్లు తెలుస్తోంది.
ఈ ఘటన గురువారం మధ్యాహ్నం 3 గంటల సమయంలో వెస్ట్రన్ కోల్ ఫీల్డ్స్ లిమిటెడ్ (WCL) పఠఖేడ ప్రాంతంలో జరిగింది.
ఆ సమయంలో కార్మికులు ఛత్తర్‌పూర్-1 గనిలో సుమారు 3.5 కి.మీ లోపల ఉన్న కాంటూర్ మైనర్ విభాగంలో విధులు నిర్వహిస్తున్నారు.
అదే సమయంలో అకస్మాత్తుగా పైకప్పు కూలిపోవడంతో పలువురు అందులో చిక్కుకున్నారు. ఇప్పటివరకు ముగ్గురు ఉద్యోగులు మరణించినట్లు సమాచారం అందింది.