Damodara Rajanarsimha:మంత్రి దామోదర రాజనర్సింహ ఫేస్‌బుక్ హ్యాక్
Minister Damodara Rajanarsimha: తెలంగాణ వైద్యారోగ్య శాఖ మంత్రి దామోదర రాజనర్సింహ ఫేస్‌బుక్ పేజీ హ్యాకింగ్‌కు గురకావడం సంచలనంగా మారింది. కేటుగాళ్లు ఫేస్‌బుక్ పేజీని హ్యాక్ చేసిన తర్వాత.. బీజేపీ, టీడీపీతో పాటు తమిళనాడులోని రాజకీయ పార్టీలకు రకరకాల పోస్టులను వందల సంఖ్యలో పోస్ట్ చేశారు. ఈ విషయం తెలిసిన మంత్రి సోషల్ మీడియా టీమ్ వెంటనే అప్రమత్తమైంది. ఈ విషయాన్ని అధికారులకు తెలిపారు. రంగంలోకి దిగిన సైబర్ క్రైమ్ పోలీసులు.. మంత్రి ఫేస్‌బుక్ పేజీ హ్యాకింగ్‌కు గుర్తించారు. మంత్రి దామోదర రాజనర్సింహ ఫేస్‌బుక్ పేజీ నుంచి వచ్చే సందేశాలకు స్పందించవద్దని అభిమానులు, పార్టీ కార్యకర్తలకు సందేశం పంపారు.
