ACB Court: లిక్కర్ స్కామ్‌లో మిథున్ రెడ్డికి ఊరట.. యూఎస్ వెళ్లేందుకు గ్రీన్ సిగ్నల్ ఇచ్చిన కోర్టు
ఈ వార్తాకథనం ఏంటి
వైఎస్‌ఆర్ కాంగ్రెస్‌ పార్టీ సీనియర్‌ నేత, ఎంపీ మిథున్ రెడ్డికి విజయవాడలోని ఏసీబీ ప్రత్యేక న్యాయస్థానం ఊరట ఇచ్చింది. పాస్‌పోర్ట్ కోసం ఆయన దాఖలుచేసిన పిటిషన్‌పై విచారణ జరిపిన కోర్టు, దేశం విడిచి వెళ్లేందుకు అనుమతిస్తూ పాస్‌పోర్ట్ జారీ చేయాలని ఆదేశాలు ఇచ్చింది. అయితే ఈ అనుమతిని ఉపయోగించేముందు కోర్టు నుంచి మరోసారి అనుమతి తీసుకోవాల్సిందని కూడా స్పష్టం చేసింది. మిథున్ రెడ్డి ఈ పాస్‌పోర్ట్‌ను యూఎస్‌లో జరిగే యునైటెడ్ నేషన్స్ జనరల్ అసెంబ్లీ సమావేశాల్లో పాల్గొనడానికి కోరారు.
Details
ఏ 4 నిందితుడిగా మిథున్ రెడ్డి
ఈ సమావేశాలు అక్టోబర్ 27 నుంచి 31 వరకు న్యూయార్క్‌లో జరగనున్నాయి. ఏపీ లిక్కర్ స్కాంలో మిథున్ రెడ్డి ఏ-4 నంబర్' నిందితుడిగా ఉన్న విషయం తెలిసిందే. ఈ కేసులో ఆయన 71 రోజుల పాటు జైలులో రిమాండ్ ఖైదీగా ఉండగా, సెప్టెంబర్ 29న ఏసీబీ కోర్టు షరతులతో కూడిన బెయిల్ మంజూరు చేసింది. బెయిల్‌లో ఆయనకు రూ. 2 లక్షలతో రెండు ష్యూరిటీలు ఇవ్వాలని, వారంలో రెండు సార్లు స్థానిక పోలీస్ స్టేషన్‌లో సంతకాలు చేయాలని కోర్టు ఆదేశించింది. ఈ నిర్ణయం మిథున్ రెడ్డికి భారీ ఊరటగా నిలిచింది,