Diwali Celebrations in Bastar: మావోయిస్టు ప్రభావిత ప్రాంతంలో మోదీ దీపావళి.. ఈసారి బస్తర్‌లో ప్రత్యేక వేడుకలు!
ఈ వార్తాకథనం ఏంటి
ప్రధాని నరేంద్ర మోదీ తన దశాబ్ద కాలపు సంప్రదాయాన్ని కొనసాగిస్తూ ఈ ఏడాది కూడా భద్రతా దళాలతో కలిసి దీపావళి జరుపుకోనున్నారు. ఈసారి వేడుకల కోసం ఛత్తీస్‌గఢ్‌లోని బస్తర్ ప్రాంతాన్ని ఎంచుకున్నారు. ఒకప్పుడు మావోయిస్టు (నక్సలిజం) హింసతో అట్టుడికిన ఈ ప్రాంతంలో ప్రస్తుతం పరిస్థితులు మారుతున్నాయని, అభివృద్ధి వేగం పుంజుకుందనే సందేశాన్ని తన పర్యటన ద్వారా చాటిచెప్పనున్నారు. ఈ విషయాన్ని ప్రధాని మోదీ తన 'ఎక్స్‌' ఖాతా ద్వారా వెల్లడించారు. "మన ధైర్యవంతులైన భద్రతా బలగాలతో కలిసి దీపావళి జరుపుకోవడానికి బస్తర్‌కు వెళ్తున్నాను. ఒకప్పుడు నక్సలిజం ప్రభావం బలంగా ఉన్న ఈ ప్రాంతంలో ఇప్పుడు అభివృద్ధి వర్ధిల్లుతోంది.
వివరాలు
దశాబ్ద కాలంగా సైనికులతోనే దీపావళి
దేశం కోసం వారు చేస్తున్న త్యాగాలు, నిస్వార్థ సేవ, అచంచలమైన అంకితభావానికి సెల్యూట్ చేసేందుకే నేను వెళ్తున్నానని పేర్కొన్నారు.
ప్రధానిగా బాధ్యతలు చేపట్టినప్పటి నుంచి ప్రతి దీపావళిని సైనికులు, భద్రతా సిబ్బందితో కలిసి జరుపుకోవడాన్ని మోదీ ఆనవాయితీగా మార్చుకున్నారు.
దేశంలోని సరిహద్దు ప్రాంతాలకు వెళ్లి వారితో పండుగ జరుపుకుంటూ స్ఫూర్తినిస్తున్నారు.
2014లో ప్రధానిగా తన తొలి దీపావళిని ప్రపంచంలోనే అత్యంత ఎత్తైన యుద్ధ క్షేత్రమైన సియాచిన్ గ్లేసియర్‌లో సైనికులతో కలిసి జరుపుకున్నారు. అప్పటి నుంచి ఈ సంప్రదాయాన్ని కొనసాగిస్తున్నారు.
వివరాలు
సైనికులతో దీపావళి వేడుకలు
2015: పంజాబ్ సరిహద్దులో సైనికులతో దీపావళి జరుపుకున్నారు.
2016: చైనా సరిహద్దుకు సమీపంలోని హిమాచల్ ప్రదేశ్‌లోని సమ్దో పోస్టును సందర్శించారు.
2017: ఉత్తర కశ్మీర్‌లోని గురేజ్ సెక్టార్‌లో పండుగ చేసుకున్నారు.
2018: ఉత్తరాఖండ్‌లోని హర్సిల్‌లో సైనికులతో గడిపారు.
2019: జమ్మూకశ్మీర్‌లోని రాజౌరిలో దీపావళి జరుపుకున్నారు.
2020: రాజస్థాన్‌లోని చారిత్రక లాంగేవాలా పోస్టులో సైనికులతో పండుగ చేసుకున్నారు.
2021: జమ్మూకశ్మీర్‌లోని నౌషెరాలో వేడుకల్లో పాల్గొన్నారు.
2022: కార్గిల్‌లో సైనికులతో దీపావళి జరుపుకున్నారు.
2023: హిమాచల్ ప్రదేశ్‌లోని లెప్చాలో పండుగ చేసుకున్నారు.
2024: గుజరాత్‌లోని సర్ క్రీక్‌లో భద్రతా దళాలతో కలిసి దీపావళి జరుపుకున్నారు.
వివరాలు
దీపావళి వేడుకల్లో పాల్గొన్న మోదీ
గతేడాది (2025) తొలిసారిగా భారత నౌకాదళ సిబ్బందితో కలిసి మోదీ దీపావళి వేడుకల్లో పాల్గొన్నారు.
గోవా-కార్వార్ తీరంలో మోహరించిన స్వదేశీ విమాన వాహక నౌక ఐఎన్ఎస్ విక్రాంత్‌లో నావికాదళ సిబ్బందితో కలిసి పండుగ జరుపుకున్నారు.
ఈ ఏడాది బస్తర్‌ను ఎంచుకోవడం ద్వారా ఒకప్పుడు నక్సలిజం ప్రభావం తీవ్రంగా ఉన్న ఈ ప్రాంతంలో భద్రతా పరిస్థితులు మారుతున్నాయని, అభివృద్ధి కార్యక్రమాలు ముందుకు సాగుతున్నాయని చాటిచెప్పడం ప్రధాని పర్యటనలోని ప్రధాన ఉద్దేశంగా కనిపిస్తోంది.
భద్రతా దళాల త్యాగాలు, సేవలను గౌరవించడంతో పాటు బస్తర్‌లో చోటుచేసుకుంటున్న మార్పును దేశం దృష్టికి తీసుకురావడంపైనా ఈ పర్యటన దృష్టి సారించనుంది.