తదుపరి వార్తా కథనం
MUDA case: సీఎం సిద్ధరామయ్య భార్య, మంత్రి బైరతి సురేష్‌కు ఈడీ సమన్లు
వ్రాసిన వారు
Sirish Praharaju
Jan 27, 2025
03:56 pm
ఈ వార్తాకథనం ఏంటి
కర్ణాటక సీఎం సిద్ధరామయ్యకు పెద్ద షాక్ తగిలింది.
మైసూర్ అర్బన్ డెవలప్మెంట్ అథారిటీ (MUDA) భూముల కుంభకోణంలో ఆయన భార్యతో పాటు ఇతర కుటుంబ సభ్యులు ఇరుక్కున్న విషయం తెలిసిందే.
ఈ కేసులో మంగళవారం విచారణకు హాజరుకావాలని ఈడీ (ED) సిద్ధరామయ్య భార్య పార్వతికి, మంత్రి సురేష్‌కు నోటీసులు జారీ చేసింది.
ముడా భూముల కేటాయింపులో పెద్ద ఎత్తున మనీ లాండరింగ్ జరిగిందని ఆరోపణలతో, గత అక్టోబర్‌లో హైకోర్టు అనుమతితో ఈడీ దర్యాప్తు ప్రారంభించింది.
వివరాలు
జైలు శిక్ష పడే అవకాశం
ఈ కేసులో సిద్ధరామయ్య, ఆయన భార్య పార్వతితో పాటు, ఆయన బావమరిది బీఎం మల్లిఖార్జున స్వామిపై ఆరోపణలు ఉన్నాయి.
ఈడీ ఇప్పుడు దర్యాప్తును వేగంగా జరిపి, కేసును తుది దశకు తీసుకువెళ్లే ప్రయత్నంలో ఉంది.
ఈ కేసులో వీరంతా నిందితులుగా నిర్దారిస్తే , వారికి జైలు శిక్ష పడే అవకాశం ఉన్నట్టు సమాచారం.