Mira Road rally: ముంబైలో ఊరేగింపుపై రాళ్లదాడి.. నిందితులపై 'బుల్డోజర్ యాక్షన్'
ఈ వార్తాకథనం ఏంటి
అయోధ్య రామాలయ ప్రారంభోత్సవం సందర్భంగా ముంబైలోని మీరా రోడ్‌లో నిర్వహించిన ఊరేగింపుపై రాళ్ల దాడి చేసిన నిందితులపై పోలీసులు నిందితులపై కఠినంగా వ్యవహరిస్తున్నారు.
మీరా రోడ్‌లో రెండు వర్గాల మధ్య జరిగిన ఘర్షణలో ఇప్పటికే 13 మందిని అరెస్టు చేశారు.
అనంతరం యంత్రాంగం నిందితుల అక్రమ నిర్మాణాలపై బుల్డోజర్ యాక్షన్‌కు దిగింది.
నిందితుల అక్రమ నిర్మాణాలను కూల్చేందుకు బుల్డోజర్లను ఉపయోగించారు.
బుల్డోజర్ ఆపరేషన్ జరుగుతున్నప్పుడు పెద్ద సంఖ్యలో పోలీసులు, భద్రతా సిబ్బందిని మోహరించారు.
15 అక్రమ కట్టడాలను కూల్చివేసినట్లు పోలీసులు తెలిపారు. ఎలాంటి అవాంఛనీయ సంఘటనలు జరగకుండా ర్యాపిడ్ యాక్షన్ ఫోర్స్ (RAF) బృందంతో సహా పెద్ద సంఖ్యలో పోలీసు సిబ్బందిని ఆ ప్రాంతంలో మోహరించారు.
ముంబై
జనవరి 21న ఇరు వర్గాల మధ్య ఘర్షణ
అయోధ్య రామమందిర ప్రారంభోత్సవానికి ఒకరోజు ముందు జనవరి 21న ముంబైలోని మీరా రోడ్‌లో ఊరేగింపు నిర్వహించారు.
ఈ ర్యాలీ హిందువులు, ముస్లింల మధ్య ఘర్షణలకు దారి తీసింది. ఈ ఘటనలో పోలీసులు 13మందిని అరెస్టు చేశారు. దీంతో పాటు ఐదుగురిపై కేసు నమోదు చేశారు.
ముస్లింల ప్రాబల్యం ఉన్న ఈ ప్రాంతంలో కొందరు హిందూత్వ వర్గానికి చెందిన వారు 'జై శ్రీరామ్' నినాదాలు చేయడంతో ఘర్షణ ప్రారంభమైందని డీసీపీ జయంత్ బజ్బలే తెలిపారు.
ఆదివారం రాత్రి 11గంటల ప్రాంతంలో ముంబైకి ఆనుకుని ఉన్న మీరారోడ్‌లోని నయా నగర్ ప్రాంతంలో హిందూ సమాజానికి చెందిన కొందరు వ్యక్తులు 3-4వాహనాల్లో నినాదాలు చేయడంతో రెండు మత వర్గాల మధ్య ఘర్షణ మొదలైంది.