Haryana: హర్యానాలో బీజేపీ శాసనసభాపక్షానికి నాయబ్ సింగ్ సైనీ నాయకత్వం.. ముఖ్యమంత్రిగా రేపు ప్రమాణస్వీకారం
ఇటీవల అసెంబ్లీ ఎన్నిలకల్లో ఘన విజయం సాధించిన నేపథ్యంలో హర్యానా బీజేపీ శాసనసభాపక్ష నేతగా నాయబ్ సింగ్ సైనీ ఏకగ్రీవంగా ఎన్నికయ్యారు. చండీగఢ్‌లో బుధవారం జరిగిన సమావేశంలో కొత్తగా ఎన్నికైన బీజేపీ ఎమ్మెల్యేలు నాయబ్ సింగ్ సైనీని తమ శాసనసభాపక్ష నేతగా ఎన్నుకున్నారు. కేంద్ర పరిశీలకులుగా సమావేశానికి హాజరైన కేంద్ర హోంమంత్రి అమిత్ షా, మధ్యప్రదేశ్ ముఖ్యమంత్రి మోహన్ యాదవ్, నాయబ్ సింగ్ సైనీకి శుభాకాంక్షలు తెలిపారు. నాయబ్ సింగ్ సైనీ శాసనసభాపక్ష నేతగా ఎన్నికయ్యారని. హర్యాలో మళ్లీ ప్రభుత్వాన్ని ఏర్పాటు చేస్తున్నామని అమిత్ షా పేర్కొన్నారు.
ప్రభుత్వ ఏర్పాటుకు అనుమతి
15 ఏళ్ల పాటు ఇక్కడ డబుల్ ఇంజిన్ ప్రభుత్వం ఉంటుందని అన్నారు. మనోహర్ లాల్ ఖట్టర్ నాయకత్వంలో అనేక అభివృద్ధి పనులు జరిగాయని, ఎన్నికల సమయంలో ఏ విషయాన్నీ ప్రతిపక్షం వదిలిపెట్టలేదని, అగ్నివీర్లకు సంబంధించి తప్పుడు ఊహాగానాలు సృష్టించిందన్నారు. రాష్ట్ర ప్రజలు ప్రధాని నరేంద్ర మోడీ విధానాలపై విశ్వాసం ఉంచారని, అందుకే మూడోసారి బీజేపీ ప్రభుత్వానికి జై నాయబ్ సింగ్ సైనీ పేర్కొన్నారు. ఈ క్రమంలో ప్రభుత్వ ఏర్పాటు అనుమతి ఇవ్వాల్సిందిగా నాయబ్ సింగ్ సైనీ.. రాజ్‌భవన్‌కు వెళ్లి హర్యానా గవర్నర్ బండారు దత్తాత్రేయను కోరారు.
