PM Modi: 10 ఏళ్లలో ఏం జరిగిందో అది కేవలం ట్రైలర్ మాత్రమే.. ఇంకా చాలా చేయాల్సి ఉంది: ప్రధాని మోదీ
ప్రధాని నరేంద్ర మోదీ రాజస్థాన్‌లో ఎన్నికల ప్రచారాన్ని ప్రారంభించారు. మంగళవారం రాజస్థాన్‌లోని కోట్‌పుత్లీలో జరిగిన విజయ శంఖనాద్ ర్యాలీలో ప్రధాని నరేంద్ర మోదీ ప్రసంగించారు. ఈ సందర్భంగా ప్రధాని మోదీ కాంగ్రెస్‌తో పాటు ప్రతిపక్ష పార్టీలపై తీవ్ర స్థాయిలో విరుచుకుపడ్డారు. ఈ ఎన్నికల్లో దేశ రాజకీయాలు రెండు వర్గాలుగా విడిపోయినట్లు కనిపిస్తోందని ప్రధాని మోదీ అన్నారు. ఒకవైపు నేషన్ ఫస్ట్ అనే బీజేపీ, మరోవైపు దేశాన్ని దోచుకోవడానికి అవకాశాల కోసం చూస్తున్న కాంగ్రెస్ పార్టీ ఉందన్నారు. 10 ఏళ్లలో మనం ఏం చేశామో అది కేవలం ట్రైలర్ మాత్రమే, ఇంకా చేయాల్సింది చాలా ఉందన్నారు.
కాంగ్రెస్‌లోని పెద్ద నాయకులు తాము ఎన్నికల్లో పోటీ చేయడంపై మౌనంగా ఉన్నారు: ప్రధాని
జమ్ముకశ్మీర్‌లోని ఆర్టికల్ 370ని ముట్టుకోడానికి కూడా వీరు భయపడ్డారని ప్రధాని మోదీ అన్నారు. రామమందిరం పేరుతో ప్రజలను భయపెట్టేవారని అన్నారు.నేడు ఆర్టికల్ 370 ముగిసింది. రామ మందిరం కూడా నిర్మించాము. కాంగ్రెస్,దాని ఇండియా కూటమి ఎన్నికల్లో పోరాడుతున్నది దేశం కోసం కాదు,తమ ప్రయోజనాల కోసమే. తమ కుటుంబాలను కాపాడుకునేందుకు కుటుంబ ఆధారిత పార్టీలు ర్యాలీలు నిర్వహిస్తున్నారన్నారు. బీజేపీ గెలిస్తే దేశం మంటల్లో కూరుకుపోతుందని దేశంలోని కొందరు బెదిరిస్తున్నారని ప్రధాని అన్నారు. 10 ఏళ్లలో తాము పెట్టిన మంటలను మోదీ ఆర్పివేస్తున్నామన్నారు ఎన్నికల్లో గెలుస్తామో లేదోనని కాంగ్రెస్ సీనియర్ నేతలు మౌనంగా ఉన్న తొలి ఎన్నిక ఇదే అన్నారు. అవినీతిపై చర్యలను అరికట్టేందుకు అవినీతిపరులంతా ఒక్కతాటిపైకి వస్తున్న తొలి ఎన్నికలు కూడా ఇదే అన్నారు.
ఆయుధాలు ఎగుమతి చేసే దేశంగా భారతదేశం
ప్రతిపక్షాలపై దాడి చేసిన ప్రధాని, కాంగ్రెస్ తమ ప్రమాదకరమైన ఉద్దేశాలను వ్యక్తం చేయడం ప్రారంభించారని అన్నారు. అందువల్ల, దేశాన్ని రక్షించడానికి మీ భవిష్యత్ తరాల ఆనందం, శ్రేయస్సు కోసం ఈ ఎన్నికలు చాలా ముఖ్యమైనవన్నారు. స్వాతంత్య్రం వచ్చి ఏడు దశాబ్దాలు గడిచినా కాంగ్రెస్ వల్ల దేశంలో పేదరికం నెలకొందన్నారు. ప్రత్యర్థులపై దాడి చేసిన ప్రధాని, వారి కారణంగా కొత్త సాంకేతికత, రక్షణ పరికరాల కోసం భారతదేశం ఇతర దేశాల వైపు చూడవలసి వచ్చిందని అన్నారు. ఇదే కాంగ్రెస్ మన సైన్యాన్ని స్వావలంబనగా ఉండనివ్వలేదు. కాంగ్రెస్ హయాంలో భారతదేశం ప్రపంచంలోనే అతిపెద్ద ఆయుధాలు దిగుమతి చేసుకునే దేశంగా గుర్తింపు పొందింది. నేడు, బిజెపి ప్రభుత్వ హయాంలో, భారతదేశం ఆయుధాలు ఎగుమతి చేసే దేశంగా గుర్తించబడుతోందన్నారు.
80కి పైగా దేశాలలో మేడ్ ఇన్ ఇండియా ఆయుధాలు
రక్షణ రంగ ఎగుమతులలో భారత్ నిన్ననే సరికొత్త రికార్డు సృష్టించింది. స్వాతంత్య్రానంతరం భారత్ రూ.21 వేల కోట్ల విలువైన రక్షణ వస్తువులను ఎగుమతి చేయడం ఇదే తొలిసారి. నేడు భారతదేశం మేడ్ ఇన్ ఇండియా ఆయుధాలను 80కి పైగా దేశాలకు విక్రయిస్తోంది. కాబట్టి నేను మళ్ళీ చెబుతున్నాను, ఉద్దేశాలు సరైనవి అయితే ఫలితాలు సరైనవి.
రాజస్థాన్ లో ప్రధాని మోదీ
10 साल में जो हुआ, वो तो सिर्फ ट्रेलर है। अभी तो बहुत कुछ करना है, अभी तो हमें देश और राजस्थान को बहुत आगे लेकर जाना है। BJP सरकार का तीसरा कार्यकाल ऐतिहासिक और निर्णायक फैसलों के कार्यकाल होने वाला है। - पीएम @narendramodi pic.twitter.com/BTkkWjVrX3— BJP (@BJP4India) April 2, 2024
