తదుపరి వార్తా కథనం
Ration Cards: మీ-సేవ ద్వారా కొత్త రేషన్‌కార్డులు.. మార్పులు, చేర్పులకు అవకాశం!
వ్రాసిన వారు
Jayachandra Akuri
Feb 08, 2025
08:35 am
ఈ వార్తాకథనం ఏంటి
తెలంగాణ రాష్ట్ర పౌర సరఫరాల శాఖ నూతన రేషన్‌కార్డుల కోసం అర్హులైన వారు మీ-సేవ ద్వారా ఆన్‌లైన్‌లో దరఖాస్తు చేసుకునే అవకాశం కల్పించాలని నిర్ణయించింది.
అదనంగా ఇప్పటికే ఉన్న పాత రేషన్‌కార్డుల్లో కుటుంబ సభ్యుల పేర్లను చేర్చే అవకాశంతో పాటు, ఇతర మార్పులు, చేర్పులు చేసుకునేందుకు కూడా వెసులుబాటు కల్పించనుంది.
ఈ మేరకు శుక్రవారం మీ-సేవ డైరెక్టర్‌కు పౌర సరఫరాల శాఖ అధికారికంగా లేఖ పంపించింది. కొత్త రేషన్‌కార్డుల కోసం దరఖాస్తులను స్వీకరించాలని లేఖలో సూచించింది.
అనర్హుల దరఖాస్తులను, డూప్లికేట్‌ రికార్డులను నివారించేందుకు ఈ ప్రక్రియను ప్రారంభిస్తున్నట్లు పేర్కొంది.
ఈ నిర్ణయంతో ప్రజలు తమ సమీపంలోని మీ-సేవ కేంద్రాల్లోకి వెళ్లి రేషన్‌కార్డుల కోసం దరఖాస్తు చేసుకునే వీలుంటుంది.