Kerala: నిషేధిత PFI సభ్యులతో సంబంధం ఉన్న నాలుగు ప్రదేశాలలో ED దాడులు
నిషేధిత పాపులర్ ఫ్రంట్ ఆఫ్ ఇండియాకు సంబంధించిన మనీలాండరింగ్ కేసులకు సంబంధించి కేరళలోని వాయనాడ్, కోజికోడ్, కొచ్చిలోని 12 ప్రాంతాల్లో ఎన్‌ఫోర్స్‌మెంట్ డైరెక్టరేట్ సోమవారం సోదాలు నిర్వహించినట్లు సంబంధిత వర్గాలు తెలిపాయి. చట్టవ్యతిరేక కార్యకలాపాలకు పాల్పడుతున్నారని ఆరోపిస్తూ గత ఏడాది సెప్టెంబరులో ఈ సంస్థను కేంద్రం నిషేదించడమే కాకుండా దాని నాయకులను అరెస్టు చేసింది. త్రిసూర్ జిల్లాలోని చవక్కాడ్‌లోని పీఎఫ్‌ఐ మాజీ రాష్ట్ర నాయకుడు అబ్దుల్ లతీఫ్, ఎర్నాకులం జిల్లా పీఎఫ్‌ఐ మాజీ జిల్లా అధ్యక్షుడు జమాల్ ముహమ్మద్ నివాసంలో సోదాలు జరిగినట్లు సమాచారం. ఆరోపించిన ఉగ్రవాద కార్యకలాపాలతో ఆర్థిక లావాదేవీల సంబంధాలను ED పరిశీలిస్తున్నట్లు తెలిసింది.
