Operation Sindoor: ఆపరేషన్ సిందూర్..ఉదయం 10గంటలకు ఆర్మీ ప్రెస్ బ్రీఫింగ్
ఈ వార్తాకథనం ఏంటి
పహల్గాం ప్రాంతంలో పర్యాటకులపై జరిగిన ఉగ్రదాడికి భారత్ ఘాటుగా ప్రతిస్పందించింది.
పాకిస్థాన్ భూభాగంలో ఉన్న తొమ్మిది ఉగ్రవాద స్థావరాలపై భారత సైన్యం తీవ్రంగా దాడులు నిర్వహించింది.
ఈ దాడులకు "ఆపరేషన్ సిందూర్" అని పేరు పెట్టారు.
ఈ ఆపరేషన్‌ను విజయవంతంగా నిర్వహించామని భారత సైన్యం అధికారికంగా ప్రకటించింది.
ఈ మెరుపు దాడులకు సంబంధించిన పూర్తి వివరాలను భారత ఆర్మీ కొద్దిసేపట్లో వెల్లడించనుంది.
బుధవారం ఉదయం 10 గంటలకు దీనిపై ప్రత్యేకంగా మీడియా సమావేశం నిర్వహించనుంది.
వివరాలు
సరిహద్దుల్లో పాకిస్థాన్ సైన్యం కాల్పులు
ఇదే సమయంలో, ఈ ఆపరేషన్‌కు సంబంధించి కేంద్ర రక్షణ మంత్రి రాజ్‌నాథ్ సింగ్ త్రివిధ దళాల అధిపతులతో సంప్రదించారు.
ఆపరేషన్ సిందూర్ అమలుపై వివరాలు తెలుసుకునేందుకు, ప్రస్తుత భద్రతా పరిస్థితులపై ఫీడ్‌బ్యాక్ పొందేందుకు ఆయన వీరితో మాట్లాడినట్లు రక్షణ శాఖ వర్గాలు వెల్లడించాయి.
అటు, ఈ మెరుపు దాడుల ప్రభావంతో సరిహద్దుల్లో పాకిస్థాన్ సైన్యం కాల్పులకు దిగుతోంది.
అయితే వాటిని భారత ఆర్మీ సమర్థంగా ఎదుర్కొంటోంది, ప్రతిదాడులకు సమర్థవంతంగా స్పందిస్తోంది.