Rajasthan: రాజస్థాన్‌లోని ధోల్‌పూర్‌లో ఘోర రోడ్డు ప్రమాదం.. చిన్నారులు సహా 11 మంది మృతి
రాజస్థాన్‌లోని ధోల్‌పూర్‌లో ఘోర రోడ్డు ప్రమాదం చోటుచేసుకుంది. స్లీపర్ కోచ్ బస్సు ఒక టెంపోను ఢీకొట్టడంతో ఈ ప్రమాదం జరిగింది. ఈ ఘటనలో 11 మంది ప్రాణాలు కోల్పోయారు. మృతుల్లో 5 గురు చిన్నారులు, ముగ్గురు బాలికలు, ఇద్దరు మహిళలు, ఒక పురుషుడు ఉన్నారు. వారి మృతదేహాలను ధోల్‌పూర్ ప్రభుత్వాసుపత్రి మార్చురీలో భద్రపరిచారు. ఈ ఘటన బారీ సదర్ పోలీస్ స్టేషన్ పరిధిలోని నేషనల్ హైవే 11Bలోని సునిపూర్ గ్రామం సమీపంలో చోటుచేసుకుంది. టెంపోలో ప్రయాణిస్తున్నవారు బారీ నగరంలోని గుమత్ మొహల్లా ప్రాంతానికి చెందినవారు, వీరు బరౌలి గ్రామంలో జరిగిన భాత్ కార్యక్రమానికి వెళ్లి తిరిగి వస్తున్నారు.
గాయపడ్డ కొందరి పరిస్థితి విషమం
కరౌలి-ధోల్‌పూర్ హైవే (NH 11B)పై జరిగిన ఈ ప్రమాదంలో పలువురు తీవ్రంగా గాయపడ్డారు. ఘటన జరిగిన వెంటనే పోలీసులు అక్కడికి చేరుకుని దర్యాప్తు ప్రారంభించారు. మృతదేహాలను పోస్టుమార్టం కోసం తరలించారు. గాయపడ్డ కొందరి పరిస్థితి విషమంగా ఉన్నట్లు సమాచారం. మరింత సమాచారం రావాల్సి ఉంది.
