దిల్లీ: AQI తగ్గినప్పుడు 'రెడ్ లైట్ ఆన్, గాడి ఆఫ్'.. ప్రస్తుతానికి బేసి-సరి నియమం లేదు
దేశ రాజధాని దిల్లీలో గాలి నాణ్యత 'చాలా పేలవంగా' పడిపోవడంతో, ఢిల్లీ పర్యావరణ మంత్రి గోపాల్ రాయ్ అక్టోబర్ 26, గురువారం నుంచి 'రెడ్ లైట్ ఆన్, గాడి ఆఫ్' ప్రచారం ప్రారంభమవుతుందని ప్రకటించారు. రెడ్ లైట్ల వద్ద వేచి ఉన్నప్పుడు వారి ఇంజిన్‌లను ఆపమని ప్రజలను ప్రోత్సహించడం ద్వారా నగరంలో వాయు కాలుష్యాన్ని తగ్గించడం ఈ ప్రచారం లక్ష్యం. ప్రస్తుతం బేసి-సరి వాహనాల రేషన్‌ను పరిగణనలోకి తీసుకోవడం లేదని రాయ్ చెప్పారు. బేసి-సరి పథకం కింద, బేసి సంఖ్యలతో ముగిసే రిజిస్ట్రేషన్ ప్లేట్‌లతో కూడిన ప్రైవేట్ వాహనాలు బేసి సంఖ్యల తేదీలలో, సరి సంఖ్యలు సరి తేదీలలో తిరుగుతాయన్నారు.
సమావేశాల్లో అధికారులు తప్పకుండా పాల్గోవాలి: రాయ్
దసరా సందర్భంగా ఢిల్లీలో పటాకులు కాల్చడం నిషేధమని రాయ్ తెలిపారు. మనం ఏ పని చేసినా దాని ప్రభావం మనపైనే ఉంటుందని,వాయు కాలుష్యాన్ని తగ్గించేందుకు ఢిల్లీ ప్రజలు సహకరించాలని ఆయన విజ్ఞప్తి చేశారు. కాలుష్యానికి సంబంధించిన సమావేశానికి అధికారులు హాజరుకాకపోవడంపై కూడా రాయ్ అసంతృప్తి వ్యక్తం చేశారు. సమావేశానికి అన్ని శాఖల కార్యదర్శులను పిలిచామని, ఒక్క శాఖ కార్యదర్శి కూడా హాజరు కాలేదన్నారు. ఇలాంటి సమావేశాల్లో అధికారులు తప్పకుండా పాల్గొనాలని ప్రభుత్వ ప్రధాన కార్యదర్శికి విజ్ఞప్తి చేశారు. ఢిల్లీలో GRAP-2 (గ్రేడెడ్ రెస్పాన్స్ యాక్షన్ ప్లాన్) అమలు చేయడానికి 28 విభాగాలతో సమావేశం జరిగింది.
దుమ్ము కాలుష్యాన్ని నివారించడానికి డస్ట్ సప్రెసెంట్ పౌడర్‌
13 హాట్‌స్పాట్‌లతో పాటు, AQI 300 కంటే ఎక్కువ నమోదైన చోట మరో ఎనిమిది పాయింట్లు కూడా గుర్తించబడ్డాయి. ఈ ఎనిమిది పాయింట్ల వద్ద ప్రత్యేక బృందాలను నియమించాలని నోడల్‌లకు సూచించబడింది, ఇక్కడ స్థానిక కాలుష్య మూలాలను అంచనా వేస్తారని మంత్రి చెప్పారు. దిల్లీ నగరంలో దుమ్ము కాలుష్యాన్ని నివారించడానికి ప్రభుత్వం డస్ట్ సప్రెసెంట్ పౌడర్‌ను కూడా ఉపయోగించాలని నిర్ణయించిందని రాయ్ చెప్పారు. ప్రధానంగా ఉష్ణోగ్రత, గాలి వేగం తగ్గడం వల్ల కాలుష్య కారకాలు పేరుకుపోవడంతో మే తర్వాత మొదటిసారిగా ఆదివారం ఢిల్లీలో గాలి నాణ్యత "చాలా పేలవంగా" మారింది. రాజధాని 24 గంటల సగటు గాలి నాణ్యత సూచిక ఆదివారం 313 వద్ద ఉంది, శనివారం 248 నుండి క్షీణించింది.
