Rajiv Gandhi assassination case: రాజీవ్ గాంధీ హత్య కేసులో దోషి సంతాన్ మృతి
మాజీ ప్రధాని రాజీవ్ గాంధీ హత్య కేసులో దోషిగా తేలిన సంతాన్ చెన్నైలోని ఆస్పత్రిలో చికిత్స పొందుతూ మరణించాడు. సంతాన్ అలియాస్ టి.సుతేందిర్రాజా (55 సంవత్సరాలు) శ్రీలంక జాతీయుడు. 1991లో శ్రీ పెరంబదూర్‌లో మాజీ ప్రధాని రాజీవ్ గాంధీని హత్య చేసిన కేసులో 20 ఏళ్లకు పైగా జైలు శిక్ష అనుభవించిన తర్వాత 2022లో సుప్రీం కోర్టు శాంతన్‌తో సహా ఏడుగురిని విడుదల చేసింది. చెన్నైలోని రాజీవ్ గాంధీ ప్రభుత్వ ఆసుపత్రిలో చికిత్స పొందుతూ సంతాన్ మరణించారు. సంతాన్ ఈ ఆసుపత్రిలో కాలేయ వైఫల్యానికి చికిత్స పొందుతున్నాడు. శాంతన్ బుధవారం ఉదయం 7.50 గంటలకు గుండెపోటుతో మరణించినట్లు ఆస్పత్రి వర్గాలు వెల్లడించాయి.
