ప్రశాంతత కోసం పెద్దమ్మతల్లి గుడికి వచ్చి మరోసారి శేజల్ ఆత్మహత్యాయత్నం.. ఆస్పత్రికి తరలింపు
ఈ వార్తాకథనం ఏంటి
తెలంగాణలో బెల్లంపల్లి ఎమ్మెల్యే దుర్గం చిన్నయ్య శేజల్ వివాదం ముదురుతోంది. ఆరిజిన్‌ డెయిరీ సీఈవో బోడపాటి శేజల్ మరోసారి బలవన్మరణానికి ఒడిగట్టారు.
ఈ మేరకు జూబ్లీహిల్స్‌లోని పెద్దమ్మ గుడి సమీపంలో రోడ్డు పక్కన అపస్మారక స్థితిలో పడి ఉంది. గమనించిన స్థానికులు పోలీసులకు సమాచారం అందించారు.
హుటాహుటిన ఘటనా స్థలానికి వచ్చిన పోలీసులు బాధితురాలిని ఆటోలో ఆస్పత్రికి తరలించారు.
అనంతరం విచారణలో భాగంగా శేజల్ బ్యాగ్‌లో పలు నిద్రమాత్రలు, ఓ లేఖను పోలీసులు గుర్తించారు.
మధ్యాహ్నం ఒంటిగంట సమయంలో శేజల్ ను పెద్దమ్మ గుడి వద్ద ఎవరో దిగబెట్టారని స్థానికులు అంటున్నారు.
గత కొంతకాలంగా మంచిర్యాల జిల్లా బెల్లంపల్లి ఎమ్మెల్యే దుర్గం చిన్నయ్యపై శేజల్ తీవ్రమైన లైంగిక ఆరోపణలు చేస్తున్నారు.
details
న్యాయం జరుగుతుందన్న నమ్మకం లేదు
బెల్లంపల్లి ఎమ్మెల్యే దుర్గం చిన్నయ్య తనను లైంగికంగా వేధిస్తున్నాడని, అతని మీద చర్యలు తీసుకోవాలని ఇటీవలే మహిళా కమిషన్‌, హెచ్ఆర్సీకి శేజల్ కంప్లైంట్ చేశారు.
అనంతరం దిల్లీలో ఉన్న తెలంగాణభవన్‌ వద్ద మనస్థాపంతో ఆత్మహత్యకు యత్నించారు.
ప్రస్తుతం హైదరాబాద్ లో శేజల్ నిద్రమాత్రలు మింగి మరోసారి బలవన్మరణానికి యత్నించినట్టు పోలీసులు భావిస్తున్నారు,
లైంగికంగా వేధించిన దుర్గం చిన్నయ్యపై చర్యలు తీసుకోవాలని దిల్లీలో అధికార పార్టీ ఎంపీని కలిస్తే న్యాయం చేస్తామని హామీ ఇచ్చినట్లు తెలుస్తోంది. ఇప్పుడేమో చిన్నయ్య వేధింపులపై తగిన ఆధారాలు లభించలేదని అంటున్నట్లు సమాచారం.
తనకు న్యాయం జరుగుతుందన్న నమ్మకం లేదని, ఎప్పుడు హత్య చేస్తారో తెలియని భయంతో బతుకుతున్నట్లు లేఖలో పేర్కొన్నారు.