Harish Rao Phone Tapping Case: ఫోన్ ట్యాపింగ్ కేసులో హరీశ్‌రావుకు షాక్.. మాజీ మంత్రిపై ఎఫ్‌ఐఆర్ నమోదు
ఈ వార్తాకథనం ఏంటి
తెలంగాణలో సంచలనం సృష్టించిన ఫోన్ ట్యాపింగ్ వ్యవహారంలో మాజీ మంత్రి, బీఆర్‌ఎస్ శాసనసభాపక్ష ఉపనేత హరీశ్ రావుపై కేసు నమోదైంది. చక్రధర్ గౌడ్ ఇచ్చిన ఫిర్యాదు ఆధారంగా ఈ చర్యలు తీసుకున్నారు. గతంలో హైదరాబాద్‌లోని పంజాగుట్ట పోలీస్ స్టేషన్‌లో నమోదైన ఈ కేసు తాజాగా సిద్దిపేట వన్‌టౌన్ పోలీస్ స్టేషన్‌కు బదిలీ అయింది. అక్కడ ఎఫ్‌ఐఆర్ నమోదు చేశారు.
వివరాలు
2023లో ఫోన్లు ట్యాప్ చేశారంటూ ఫిర్యాదు
2023లో తన ఫోన్‌తో పాటు తన భార్య ఫోన్‌ను కూడా ట్యాప్ చేశారని చక్రధర్ గౌడ్ ఆరోపించారు. ఈ మేరకు గతంలో ఆయన పంజాగుట్ట పోలీసులకు ఫిర్యాదు చేయగా, కేసు నమోదైంది.
అనంతరం ఈ కేసును పంజాగుట్ట పోలీస్ స్టేషన్ నుంచి సిద్దిపేట వన్‌టౌన్ పోలీస్ స్టేషన్‌కు బదిలీ చేశారు.
కేసు బదిలీ అనంతరం సిద్దిపేట వన్‌టౌన్ పోలీసులు ఎఫ్‌ఐఆర్ నమోదు చేశారు. అలాగే, పంజాగుట్ట పోలీస్ స్టేషన్‌లో గతంలో నమోదైన ఎఫ్‌ఐఆర్‌కు అదనపు సెక్షన్లను జోడించారు.
ఈ పరిణామంతో ఫోన్ ట్యాపింగ్ వ్యవహారంలో హరీశ్ రావుపై కేసు నమోదు కావడం తెలంగాణ రాజకీయాల్లో చర్చనీయాంశంగా మారింది.