Arogyasri: ఆరోగ్యశ్రీ సేవలను నిలిపివేస్తున్నాం: ఆంధ్రప్రదేశ్ హాస్పిటల్ అసోసియేషన్
ఈ వార్తాకథనం ఏంటి
వైఎస్ జగన్ ప్రభుత్వానికి ఆంధ్రప్రదేశ్ స్పెషల్ హాస్పిటల్ అసోసియేషన్ (ఆశా) షాకిచ్చింది.
డిసెంబర్ 29 నుంచి ఏపీలో ఆరోగ్యశ్రీ పథకం కింద రోగులను చికిత్సను నిలిపివస్తున్నట్లు ప్రకటించింది.
రూ. 1,000 కోట్లకు పైగా పెండింగ్ బిల్లులను సెటిల్ చేయడంలో ప్రభుత్వం విఫలమైన నేపథ్యంలో ఈ నిర్ణయం తీసుకున్నట్లు ఆశా ప్రతినిధితులు చెప్పారు.
ఎన్నికల ముందు ప్రభుత్వాన్ని ఇబ్బంది పెట్టాలనే ఉద్దేశంతో ఈ నిర్ణయం తీసుకోలేదని ఆశా అధ్యక్షుడు డాక్టర్ వీ మురళీకృష్ణ తెలిపారు.
ఆరోగ్యశ్రీ పథకం లబ్ధిదారులకు సేవలందిస్తున్న ప్రైవేట్ నెట్‌వర్క్ ఆసుపత్రులు 29 నుంచి కొత్త రోగులను చేర్చుకోవడం నిలిపివేయాలని సంయుక్తంగా నిర్ణయించాయి.
ఆరోగ్యశ్రీ
2013లో నిర్ణయించిన ప్యాకేజీ ధరలే నేటికీ..
గత పదేళ్లుగా ఆర్యోశ్రీ ప్యాకేజీ ధరలను పెంచకపోవడంతో పాటు బకాయిల చెల్లింపులో జాప్యం జరుగుతోందని ఆశా అధ్యక్షుడు డాక్టర్ వీ మురళీకృష్ణ ఆరోపించారు.
గత పదేళ్లలో ద్రవ్యోల్బణం 75శాతం పెరిగిందని, వైద్య ద్రవ్యోల్బణం 100శాతం దాటిపోయిందిన్నారు.
అయితే తాము ప్యాకేజీ ధరలను కేవలం 30శాతం పెంచాలని చేసిన అభ్యర్థనలను ప్రభుత్వం పట్టించుకోవడం లేదని మురళీకృష్ణ తెలిపారు.
ఉమ్మడి ఏపీలో 2013లో నిర్ణయించిన ప్యాకేజీ ధరలే నేటికీ అమలవుతున్నాయన్నారు.
టారిఫ్‌ పెంపు కోసం పలుమార్లు ప్రభుత్వానికి విజ్ఞప్తి చేసినా పట్టించుకోవడం లేదన్నారు.
ఏపీలో చికిత్స పరిమితి రూ.5 లక్షల నుంచి రూ.25 లక్షలకు పెంచి.. ప్రైవేటు ఆసుపత్రులపై ప్రభుత్వం భారాన్ని పెంచిందన్నారు. కానీ తమ ఆర్థిక పరిస్థితి గురించి ఆలోచించడం లేదన్నారు.