TDP Second List: టీడీపీ అభ్యర్థుల రెండో జాబితా విడుదల.. అభ్యర్థులు వీళ్లే
ఈ వార్తాకథనం ఏంటి
తెలుగుదేశం పార్టీ అసెంబ్లీ ఎన్నికలకు 34 మంది అభ్యర్థులతో కూడిన రెండవ జాబితాను గురువారం విడుదల చేసింది.
ఈ జాబితాలో 27 మంది పురుషులు, ఏడుగురు మహిళలు ఉన్నారు. అభ్యర్థుల్లో పీహెచ్‌డీ చేసిన ఒక్కరికి అవకాశం లభించింది.
11 మంది పీజీ చేసిన వారు కాగా, గ్రాడ్యుయేషన్‌ చేసిన వారు 9 మంది, ఇంటర్‌ చదివిన వారు 8 మంది, టెన్త్‌ పూర్తిచేసిన వారు ఐదుగురికి ఈ జాబితాలో చోటు కల్పించారు.
రానున్న ఎన్నికలకు తెదేపా-జనసేన-బీజేపీ పొత్తు కుదుర్చుకున్న విషయం తెలిసిందే.
సీట్ల సర్దుబాటులో భాగంగా తెదేపా 144 అసెంబ్లీ స్థానాల్లో పోటీ చేయనుంది. టిడిపి ఇప్పటికే 94 మందితో తొలి జాబితాను ప్రకటించింది. మరో 16 స్థానాల్లో అభ్యర్థులను ప్రకటించాల్సి ఉంది.
ట్విట్టర్ పోస్ట్ చేయండి
ట్విట్టర్ వేదికగా అభ్యర్థులను ప్రకటించిన చంద్రబాబు
వచ్చే 2024 ఎన్నికల్లో తెలుగుదేశం పార్టీ తరపున పోటీ చేసే అభ్యర్థుల మొదటి జాబితాను ఇప్పటికే ప్రజల ముందు ఉంచడం జరిగింది. ఇప్పుడు మరో 34 మంది అభ్యర్థులతో కూడిన రెండో జాబితాను మీ ముందుకు తెచ్చాం. అభ్యర్థుల ఎంపికలో ఎప్పటిలాగే, ఈ జాబితాలో కూడా ప్రజల అభిప్రాయాలకు ప్రాధాన్యత ఇచ్చాం.… pic.twitter.com/2xhnceXgw9
— N Chandrababu Naidu (@ncbn) March 14, 2024