#teenmarmallanna : కాంగ్రెస్ గూటికి చేరిన తీన్మార్ మల్లన్న.. ఠాక్రే సమక్షంలో కండువా కప్పుకున్న జర్నలిస్ట్
ఈ వార్తాకథనం ఏంటి
తెలంగాణలో ప్రముఖ జర్నలిస్ట్ తీన్మార్ మల్లన్న కాంగ్రెస్s తీర్థం పుచ్చుకున్నారు.
ఈ మేరకు ఏఐసీసీ ఇంఛార్జ్ మానిక్ రావ్ ఠాక్రే సమక్షంలో టీపీసీసీ కార్యనిర్వహక అధ్యక్షుడు మహేష్ కుమార్ గౌడ్ మల్లన్నకు కాంగ్రెస్ కండువా కప్పుకున్నారు.
చింతపండు నవీన్ అలియాస్ మల్లన్న బీఆర్ఎస్ పార్టీ, కేసీఆర్ విధానాలపై నిత్యం పోరాటం చేస్తూ వస్తున్నారు.
గతంలో హుజూర్‌నగర్ ఉప ఎన్నికలో మల్లన్న పోటీ చేశారు. తర్వాత ఎమ్మెల్సీగా స్వతంత్ర అభ్యర్థిగా పోటీ చేశారు.
అనంతరం ఆయనపై పలు కేసులు నమోదు అయ్యాయి. దీంతో జైలు జీవితం గడపాల్సి వచ్చింది. తీన్మార్ మల్లన్నకు టిక్కెట్ వస్తుందని భావించినా రాజకీయ కారణాలతో ఆయనకు టిక్కెట్ దక్కలేదు.
details
మేడ్చల్ నియోజకవర్గంలో మల్లారెడ్డిని ఓడిస్తానన్న మల్లన్న, కాంగ్రెస్ పక్షానా నిలిచారు
తీన్మార్ మల్లన్న ప్రముఖ న్యూస్ ఛానల్ లోని తీన్మార్ కార్యక్రమంతో ప్రజాదారణ పొందారు. తర్వాత క్యూ న్యూస్ అనే యూట్యూబ్ ఛానెల్ స్థాపించి మరింత జనాదరణ సొంతం చేసుకున్నారు.
గత కొంతకాలంగా మల్లన్న కాంగ్రెస్ పార్టీలో చేరనున్నారన్న వార్తలు జోరుగా ప్రచారం అయ్యాయి. ఇప్పుడు ఆ ప్రచారాన్ని నిజం చేశారు మల్లన్న.
గతంలో మల్లన్న బీజేపీలో చేరినా ఎక్కువ రోజులు ఆ పార్టీలో మన్నలేకపోయారు. ఈ మేరకు ఆ పార్టీకి రాజీనామా చేశారు.
మరోవైపు మేడ్చల్ నియోజకవర్గం నుంచి ఇండిపెండెంట్‌గా పోటీ చేస్తానని, మంత్రి మల్లారెడ్డిని ఓడిస్తానన్న మల్లన్న, తాజాగా కాంగ్రెస్ తీర్థం పుచ్చుకోవడం గమనార్హం. కాంగ్రెస్ మేడ్చల్ అభ్యర్థిగా తోటకూర వజ్రేష్ యాదవ్ ను పార్టీ ప్రకటించింది.