Inter Exams : ఇంటర్ పరీక్షల షెడ్యూల్ ఖరారు..పదో తరగతి పరీక్షలు ఎప్పుడంటే
ఈ వార్తాకథనం ఏంటి
తెలంగాణలో ఇంటర్మీడియట్‌ వార్షిక పరీక్షల షెడ్యూల్ ఖరారైంది. ఈ మేరకు 2024 ఫిబ్రవరి 28 నుంచి మార్చి 18 వరకు పరీక్షలను నిర్వహించనున్నారు.
జనవరిలో ప్రీ ఫైనల్‌ ఎగ్జామ్స్, ఫిబ్రవరి 1న ప్రాక్టికల్స్‌ జరిపించనున్నారు. ఇంటర్ బోర్డు రూపొందించిన ఈ ప్రతిపాదనలకు బుధవారం రాష్ట్ర ప్రభుత్వం ఆమోదం తెలిపింది.
పరీక్షల షెడ్యూల్‌ను ఒకట్రెండు రోజుల్లో ఇంటర్మీడియట్‌ బోర్డు త్వరలోనే విడుదల చేయనుంది. ఉదయం 9 నుంచి మధ్యాహ్నం 12 గంటల వరకు ఈ పరీక్షలను నిర్వహిస్తారు.
ఒకరోజు ఫస్టియర్‌ వారికి, మరో రోజు సెకండియర్‌ వారికి పరీక్షలను నిర్వహించనున్నారు.
details
మార్చి 18 నుంచి పదో తరగతి పరీక్షలు
2024 కొత్త ఏడాదిలో తొలిసారి మొదటి సంవత్సరపు విద్యార్థులకు ఇంగ్లిష్‌ ప్రాక్టికల్స్‌ నిర్వహించనున్నారు.
ఈ క్రమంలోనే ఇంగ్లిష్‌ పేపర్‌ను 80 మార్కులకే కుదించారు. వార్షిక పరీక్షలు, ప్రాక్టికల్స్‌, ఇంటర్నల్స్‌తో కూడిన షెడ్యూల్‌ను అధికారులు విడుదల చేయనున్నారు.
మార్చి 18 నుంచి ఎస్సెస్సీ పరీక్షలు :
పదో తరగతి వార్షిక పరీక్షల షెడ్యూల్‌పైనా అధికారులు కసరత్తు చేస్తున్నారు. తాజా సమాచారం మేరకు మార్చి 18 నుంచి నిర్వహించే అవకాశాలున్నట్లు తెలుస్తోంది.
మొత్తం ఏడు రోజుల పాటు పరీక్షలను నిర్వహించనుండగా, మార్చి నాలుగు వారంలో పరీక్షలు ముగియనున్నాయి.